KMM: పాలన, పార్టీ కార్యక్రమాలతో నిత్యం బిజీగా ఉండే మంత్రి తుమ్మల నాగేశ్వరరావు తన స్వగ్రామమైన దమ్మపేట మండలం గండుగులపల్లిలోని తమ వ్యవసాయ క్షేత్రంలో సోమవారం ఉదయం కాసేపు గడిపారు. పచ్చని పంట పొల్లాల్లో కలియ తిరుగుతూ ప్రకృతిని ఆస్వాదించారు. ఆయిల్‌ ఫామ్ సాగులో ఇంకా తీసుకోవాల్సిన చర్యలు, సస్య రక్షణ పద్ధతుల గురించి కూలీలతో చర్చించారు.
KMM: కాంగ్రెస్ పార్టీని, తనను నమ్ముకుని రాజకీయాల్లో చురుగ్గా పనిచేసిన కార్యకర్త చింతల సుజాత కుటుంబానికి మంత్రి భరోసా ఇచ్చారు. లక్ష రూపాయలను ఆర్థికసాయంగా అందించారు. భవిష్యత్తులోనూ అండగా ఉంటానని హామీ ఇచ్చారు. రెండు రోజుల క్రితం రోడ్డు ప్రమాదంలో మృతిచెందిన సుజాత కుటుంబాన్ని ఎంపీ రఘురాం రెడ్డితో కలిసి మంత్రి పొంగులేటి శ్రీనివాస రెడ్డి సోమవారం పరామర్శించారు.
AP: పిఠాపురాన్ని రాష్ట్రంలోనే ఆదర్శ నియోజకవర్గంగా తీర్చిదిద్దుతానని డిప్యూటీ సీఎం పవన్ కళ్యాణ్ అన్నారు. పిఠాపురం ప్రజలకు రుణపడి ఉంటానని, ఇచ్చిన మాట ప్రకారం అభివృద్ధి పనులు చేపడతానని పేర్కొన్నారు. నియోజకవర్గ అభివృద్ధిపై మాస్టర్ ప్లాన్ తయారవుతోందన్నారు. తక్కువ సమయంలోనే పిఠాపురం సంపూర్ణాభివృద్ధి చేస్తానన్నారు. రోడ్లపై చెత్త కనిపించకూడదు, పిల్లలకు మైదానాలు బాగుండాలి, తాగేందుకు శుభ్రమైన నీరు ఉండాలన్...
HYD: జిల్లాలో 2024 ఫిబ్రవరి 8 నాటి ఓటరు జాబితాతో పోలిస్తే ఇటీవల విడుదలైన ఓటర్ జాబితాలో ఏకంగా 1.3 లక్షల ఓటర్ కార్డులు రద్దు అయ్యాయి. ఒక్కొక్కరికి 2 గుర్తింపు కార్డులు ఉండడం, చనిపోవడం, ఇల్లు ఖాళీ చేసి వెళ్లిపోవడం, దొంగ పత్రాలతో పొందటం లాంటి అనేక కారణాలు ఉన్నట్లు తెలుస్తోంది. కొత్తగా 1,81,879 మంది ఓటర్లు చేరగా, 1,29,884 ఓటర్ కార్డులు రద్దయ్యాయి.
MHBD: 2009లో పోలీస్ కానిస్టేబుల్స్‌గా భర్తీ అయ్యి చిత్తశుద్ధితో ప్రజలకు పోలీస్ సేవలు అందిస్తూ 15 వసంతాలు పూర్తి చేసుకున్న సందర్భంగా జిల్లా ఎస్పీ సుధీర్ రామ్నాథ్ కేకన్‌ను కానిస్టేబుల్ కలిశారు. ఈ సందర్భంగా ఎస్పీ మాట్లాడుతూ 15 వసంతాలు ఎలాంటి మచ్చలేకుండా నిజాయితీగా నిస్వార్ధంగా ప్రజలకు పోలీస్ సేవలు అందించారని ఇలానే సేవలు అందిస్తూ పదోన్నతులు పొందాలన్నారు.
NLR: సూళ్లూరుపేటలోని ప్రభుత్వ జూనియర్ కళాశాల మైదానం చెత్త మయంగా మారింది. దీపావళి సందర్భంగా టపాసుల షాపులు పెట్టడంతో నిర్వాహకులు ఎక్కడి చెత్తను అక్కడే వేసి వెళ్లిపోయారు. విద్యార్థులు ఆడుకోవడానికి, ఉదయాన్నే వాకర్స్ వాకింగ్ చేయడానికి వీలులేకుండా పోయింది. దీనిపై అధికారులు స్పందించి తగు చర్యలు తీసుకోవాలని విద్యార్థులు, వాకర్స్ కోరుతున్నారు.
TG: కాంగ్రెస్ పార్టీపై కేంద్రమంత్రి కిషన్ రెడ్డి విరుచుకుపడ్డారు. కాంగ్రెస్ విధానమే మోసమని ఎద్దేవా చేశారు. కాంగ్రెస్ పార్టీ ఏ ఒక్క హామీని పూర్తిస్థాయిలో నెరవేర్చలేదని.. ఆ పార్టీ అధికారంలో ఉన్న రాష్ట్రాల్లో ఇదే దౌర్భాగ్యమని మండిపడ్డారు. హిమాచల్ ప్రదేశ్, కర్ణాటకలో కూడా కాంగ్రెస్ అడ్డగోలు హామీలు ఇచ్చి అధికారంలోకి వచ్చిందని పేర్కొన్నారు. కర్ణాటక సీఎం భార్య స్వయంగా ప్రభుత్వ భూమిని తన పేరు మీద రాయించ...
KMM: అశ్వారావుపేట ఎమ్మెల్యే జారే ఆదినారాయణ సోమవారం మంత్రి కోమటిరెడ్డిని మర్యాదపూర్వకంగా కలిశారు. అశ్వారావుపేట నియోజకవర్గానికి సంబంధించిన అభివృద్ధి, సంక్షేమ కార్యక్రమాల గురించి మంత్రితో ఎమ్మెల్యే చర్చించారు. అలాగే నియోజకవర్గ అభివృద్ధి కోసం గతంలో ప్రతిపాదించిన పనుల పురోగతిని తెలుసుకొని, అభివృద్ధి కోసం నిధులు కేటాయించాలని ఎమ్మెల్యే అది నారాయణ కోరారు.
ADB: సిర్పూర్‌లోని ఫారెస్ట్ రేంజ్ ఆఫీస్ ఎదుట సోమవారం ఎమ్మెల్యే డాక్టర్ పాల్వాయి హరీశ్ బాబు నిరాహార దీక్ష ప్రారంభించారు. అమాయక రైతులను హింసించిన అటవీశాఖ అధికారులపై చర్యలు తీసుకోవాలని డిమాండ్ చేశారు. అధికారులపై చర్యలు తీసుకునే వరకు దీక్ష కొనసాగిస్తామన్నారు. కార్యక్రమంలో భారతీయ జనతా పార్టీ శ్రేణులు పెద్ద ఎత్తున పాల్గొన్నారు.
BDK: వీరభద్రపురం, కేశవపట్నం ప్రాంతాలకు చెందిన చిన్న, సన్నకారు రైతుల కోరిక మేరకు ఎమ్మెల్యే డాక్టర్ తెల్లం వెంకట్రావు పంట పొలాలను పరిశీలించారు. అనంతరం ఆయన మాట్లాడుతూ.. దిగువనున్న సుమారు 250 ఎకరాల సాగుకు అవసరపడే నీటి కాలువ పూడికకు గురైందని చెప్పారు. పూడికతో ఇబ్బందులు తలెత్తడంతో నీటి కాలువను సరిచేసే విధంగా చర్యలు తీసుకోవాలని అధికారులను ఆదేశించారు.
ADB: జైనథ్ మండలంలోని కాప్రి నుంచి బేల గ్రామం వరకు నూతనంగా మంజూరైన రోడ్డు పనులను సోమవారం ఎంపీ గోడం నగేష్, ఎమ్మెల్యే పాయల్ శంకర్ ప్రారంభించారు. కేంద్ర, రాష్ట్ర ప్రభుత్వాల నుంచి ప్రత్యేక నిధులు మంజూరు చేసి ప్రజల సమస్యలను త్వరలో పరిష్కరిస్తామన్నారు. కార్యక్రమంలో బీజేపీ నాయకులు, కార్యకర్తలు, గ్రామస్థులు పాల్గొన్నారు.
VZM: వైసీపీ అధిష్టానం నిర్ణయించిన స్థానిక సంస్థల ఎమ్మెల్సీ అభ్యర్థిని బలపర్చాలని మాజీ ఎమ్మెల్యే బడ్డుకొండ అప్పలనాయుడు దిశా నిర్థేశం చేశారు. డెంకాడ మండలం మోపాడలో భోగాపురం, డెంకాడ ఎంపీటీసీ సభ్యులకు సోమవారం సమావేశం నిర్వహించారు. వైసీపీ అధ్యక్షులు వైఎస్ జగన్మోహన్ రెడ్డి ఆదేశాల మేరకు సమావేశం నిర్వహించినట్లు చెప్పారు.
TG: కేంద్రం నుంచి వచ్చిన నిధులు కాంగ్రెస్ సర్కారు పక్కదారి పట్టిస్తుందని మాజీ మంత్రి హరీశ్ రావు ఆరోపించారు. కనీసం మాజీ సర్పంచులతో మాట్లాడేందుకు కూడా సమయం లేదా! నిరుద్యోగ యువతను కాంగ్రెస్ మోసం చేసిందన్నారు. ఏడాదిలోగా రెండు లక్షల ఉద్యోగాలు ఇస్తామన్నారు.. ఏమయ్యాయని ప్రశ్నించారు. రాష్ట్రంలో 6 గ్యారంటీలు అమలయ్యాయని ప్రచారం చేస్తున్నారు.. 300 రోజులైనా 6 గ్యారంటీలు అమలు చేయలేదన్నారు. మహారాష్ట్రలో పోస్...
SKLM: వలసలు నివారించి మత్స్యకారుల అభివృద్ధికి కట్టుబడి ఉన్నామని శ్రీకాకుళం ఎమ్మెల్యే గొండు శంకర్ అన్నారు. శ్రీకాకుళం రూరల్ మండలం సింగుపురం పంచాయతీ మామిడివలసలో ఎమ్మెల్యే గొండు శంకర్ సోమవారం చేప పిల్లలను పంపిణీ చేశారు. ఈ సందర్భంగా ఎమ్మెల్యే మాట్లాడుతూ.. మత్స్యకారులను ఆర్థికంగా బలోపేతం చేయడానికి 100 శాతం రాయితీపై చేపలను పంపిణీ చేస్తున్నట్టు వివరించారు.
SRCL : రైతులు ఆరుగాలం కష్టపడి పండించిన పత్తిని సీసీఐ కొనుగోలు కేంద్రాల్లో విక్రయించి ప్రభుత్వ మద్దతు ధర పొందాలని పత్తి రైతులు ఆర్థికంగా బలపడాలని ప్రభుత్వ విప్ ఆది శ్రీనివాస్ ఆకాంక్షించారు. వేములవాడ అర్బన్ మండలం నాంపల్లి, సంకేపల్లి, కోనరావు పేట మండలం సుద్దాలలో ఏర్పాటు చేసిన సీసీఐ పత్తి కొనుగోలు కేంద్రాలను ఎమ్మెల్యే ప్రారంభించారు.
