BDK: దుమ్ముగూడెం మండల పరిధిలోని లక్ష్మీనగరంలో ఉన్న ప్రభుత్వ ఏకలవ్య పాఠశాలను సోమవారం ఎమ్మెల్యే తెల్లం వెంకట్రావు సందర్శించారు. పాఠశాలలో నెలకొన్న సమస్యలను విద్యార్థులను అడిగి తెలుసుకున్నారు. అదేవిధంగా పాఠశాలలో భోజన నాణ్యతను ఎమ్మెల్యే స్వయంగా పరిశీలించి అక్కడి సిబ్బందికి పలు సూచనలు చేశారు.
కృష్ణా: మచిలీపట్నం నగరంలో పారిశుద్య పరిస్థితులు మెరుగు పరిచేందుకు ప్రత్యేక డ్రైవ్ చేపడుతున్నట్లు జిల్లా కలెక్టరు డి. కె. బాలజీ తెలిపారు. సోమవారం మచిలీపట్నంలో ఆయన మాట్లాడుతూ.. నగరంలో ప్రతి 10 డివిజన్లకు ఒక జిల్లా స్థాయి అధికారిని నోడల్ అధికారిగా నియమించామని కలెక్టర్ తెలిపారు. సదరు నోడల్ అధికారులు తమకు కేటాయించిన డివిజన్లలో ప్రతిరోజు పర్యవేక్షిస్తారన్నారు.
TG: టెట్ నోటిఫికేషన్ విడుదలైంది. పాఠశాల విద్యాశాఖ నోటిఫికేషన్ విడుదల చేసింది. నవంబర్‌ 5 నుంచి 20వ తేదీ వరకు దరఖాస్తులు సమర్పించేందుకు అవకాశం కల్పించారు. జనవరి 1 నుంచి 20వ తేదీ వరకు ఆన్‌లైన్‌లో కంప్యూటర్‌ బేస్డ్‌ పరీక్ష నిర్వహించనున్నారు.
CTR: పీలేరు ఎమ్మెల్యే నల్లారి కిశోర్ కుమార్ రెడ్డి పీలేరు, కలికిరి మండలాల్లో మంగళవారం పర్యటించనున్నారు. కలికిరి ఎంపీడీవో కార్యాలయంలో ఉదయం 10 గంటలకు అధికారులతో సమీక్ష నిర్వహించనున్నారు. అనంతరం మధ్యాహ్నం 3 గంటలకు ఎంపీడీవో కార్యాలయంలో అధికారులతో సమీక్ష నిర్వహించనున్నట్లు ఎమ్మెల్యే కార్యాలయం ప్రకటనలో తెలిపారు. అధికారులు పాల్గొని విజయవంతం చేయాలన్నారు.
ELR: ఎమ్మెల్సీ ఎన్నికలకు సంబంధించి ఓటు హక్కు నమోదు కార్యక్రమాన్ని ప్రతి గ్రామంలో చేపట్టాలని దెందులూరు ఎమ్మెల్యే చింతమనేని ప్రభాకర్ అన్నారు. మండల పరిషత్ కార్యాలయంలో నియోజవర్గ పరిధిలోని అధికారులు, నాయకులతో ఓటు హక్కు నమోదుపై సమీక్ష నిర్వహించారు. ఆయన మాట్లాడుతూ ఓటు హక్కు నమోదుకు మూడు రోజులు మాత్రమే ఉండడం వల్ల అర్హత ఉన్న వారందరినీ నమోదు చేయాలన్నారు.
KDP: మైదుకూరు మండలం జాండ్లవరం ఎస్టీ కాలనీ, బీసీ కాలనీలల్లో పల్లె పండుగ కార్యక్రమంలో భాగంగా ఎమ్మెల్యే పుట్టా సుధాకర్ యాదవ్ ఆదేశాల మేరకు టీడీపీ రాష్ట్ర సీనియర్ నాయకులు మాచుపల్లి రామచంద్ర నాయుడు, మైదుకూరు టీడీపీ మండల అధ్యక్షులు భీమయ్య అద్వర్యంలో సిమెంట్ రోడ్డు నిర్మాణ పనులను ప్రారంభించారు. ఈ కార్యక్రమంలో మైదుకూరు మండల టీడీపీ నాయకులు, అధికారులు పాల్గొన్నారు.
KMM: పాలన, పార్టీ కార్యక్రమాలతో నిత్యం బిజీగా ఉండే మంత్రి తుమ్మల నాగేశ్వరరావు తన స్వగ్రామమైన దమ్మపేట మండలం గండుగులపల్లిలోని తమ వ్యవసాయ క్షేత్రంలో సోమవారం ఉదయం కాసేపు గడిపారు. పచ్చని పంట పొల్లాల్లో కలియ తిరుగుతూ ప్రకృతిని ఆస్వాదించారు. ఆయిల్‌ ఫామ్ సాగులో ఇంకా తీసుకోవాల్సిన చర్యలు, సస్య రక్షణ పద్ధతుల గురించి కూలీలతో చర్చించారు.
KMM: కాంగ్రెస్ పార్టీని, తనను నమ్ముకుని రాజకీయాల్లో చురుగ్గా పనిచేసిన కార్యకర్త చింతల సుజాత కుటుంబానికి మంత్రి భరోసా ఇచ్చారు. లక్ష రూపాయలను ఆర్థికసాయంగా అందించారు. భవిష్యత్తులోనూ అండగా ఉంటానని హామీ ఇచ్చారు. రెండు రోజుల క్రితం రోడ్డు ప్రమాదంలో మృతిచెందిన సుజాత కుటుంబాన్ని ఎంపీ రఘురాం రెడ్డితో కలిసి మంత్రి పొంగులేటి శ్రీనివాస రెడ్డి సోమవారం పరామర్శించారు.
AP: పిఠాపురాన్ని రాష్ట్రంలోనే ఆదర్శ నియోజకవర్గంగా తీర్చిదిద్దుతానని డిప్యూటీ సీఎం పవన్ కళ్యాణ్ అన్నారు. పిఠాపురం ప్రజలకు రుణపడి ఉంటానని, ఇచ్చిన మాట ప్రకారం అభివృద్ధి పనులు చేపడతానని పేర్కొన్నారు. నియోజకవర్గ అభివృద్ధిపై మాస్టర్ ప్లాన్ తయారవుతోందన్నారు. తక్కువ సమయంలోనే పిఠాపురం సంపూర్ణాభివృద్ధి చేస్తానన్నారు. రోడ్లపై చెత్త కనిపించకూడదు, పిల్లలకు మైదానాలు బాగుండాలి, తాగేందుకు శుభ్రమైన నీరు ఉండాలన్...
HYD: జిల్లాలో 2024 ఫిబ్రవరి 8 నాటి ఓటరు జాబితాతో పోలిస్తే ఇటీవల విడుదలైన ఓటర్ జాబితాలో ఏకంగా 1.3 లక్షల ఓటర్ కార్డులు రద్దు అయ్యాయి. ఒక్కొక్కరికి 2 గుర్తింపు కార్డులు ఉండడం, చనిపోవడం, ఇల్లు ఖాళీ చేసి వెళ్లిపోవడం, దొంగ పత్రాలతో పొందటం లాంటి అనేక కారణాలు ఉన్నట్లు తెలుస్తోంది. కొత్తగా 1,81,879 మంది ఓటర్లు చేరగా, 1,29,884 ఓటర్ కార్డులు రద్దయ్యాయి.
MHBD: 2009లో పోలీస్ కానిస్టేబుల్స్‌గా భర్తీ అయ్యి చిత్తశుద్ధితో ప్రజలకు పోలీస్ సేవలు అందిస్తూ 15 వసంతాలు పూర్తి చేసుకున్న సందర్భంగా జిల్లా ఎస్పీ సుధీర్ రామ్నాథ్ కేకన్‌ను కానిస్టేబుల్ కలిశారు. ఈ సందర్భంగా ఎస్పీ మాట్లాడుతూ 15 వసంతాలు ఎలాంటి మచ్చలేకుండా నిజాయితీగా నిస్వార్ధంగా ప్రజలకు పోలీస్ సేవలు అందించారని ఇలానే సేవలు అందిస్తూ పదోన్నతులు పొందాలన్నారు.
NLR: సూళ్లూరుపేటలోని ప్రభుత్వ జూనియర్ కళాశాల మైదానం చెత్త మయంగా మారింది. దీపావళి సందర్భంగా టపాసుల షాపులు పెట్టడంతో నిర్వాహకులు ఎక్కడి చెత్తను అక్కడే వేసి వెళ్లిపోయారు. విద్యార్థులు ఆడుకోవడానికి, ఉదయాన్నే వాకర్స్ వాకింగ్ చేయడానికి వీలులేకుండా పోయింది. దీనిపై అధికారులు స్పందించి తగు చర్యలు తీసుకోవాలని విద్యార్థులు, వాకర్స్ కోరుతున్నారు.
TG: కాంగ్రెస్ పార్టీపై కేంద్రమంత్రి కిషన్ రెడ్డి విరుచుకుపడ్డారు. కాంగ్రెస్ విధానమే మోసమని ఎద్దేవా చేశారు. కాంగ్రెస్ పార్టీ ఏ ఒక్క హామీని పూర్తిస్థాయిలో నెరవేర్చలేదని.. ఆ పార్టీ అధికారంలో ఉన్న రాష్ట్రాల్లో ఇదే దౌర్భాగ్యమని మండిపడ్డారు. హిమాచల్ ప్రదేశ్, కర్ణాటకలో కూడా కాంగ్రెస్ అడ్డగోలు హామీలు ఇచ్చి అధికారంలోకి వచ్చిందని పేర్కొన్నారు. కర్ణాటక సీఎం భార్య స్వయంగా ప్రభుత్వ భూమిని తన పేరు మీద రాయించ...
KMM: అశ్వారావుపేట ఎమ్మెల్యే జారే ఆదినారాయణ సోమవారం మంత్రి కోమటిరెడ్డిని మర్యాదపూర్వకంగా కలిశారు. అశ్వారావుపేట నియోజకవర్గానికి సంబంధించిన అభివృద్ధి, సంక్షేమ కార్యక్రమాల గురించి మంత్రితో ఎమ్మెల్యే చర్చించారు. అలాగే నియోజకవర్గ అభివృద్ధి కోసం గతంలో ప్రతిపాదించిన పనుల పురోగతిని తెలుసుకొని, అభివృద్ధి కోసం నిధులు కేటాయించాలని ఎమ్మెల్యే అది నారాయణ కోరారు.
ADB: సిర్పూర్‌లోని ఫారెస్ట్ రేంజ్ ఆఫీస్ ఎదుట సోమవారం ఎమ్మెల్యే డాక్టర్ పాల్వాయి హరీశ్ బాబు నిరాహార దీక్ష ప్రారంభించారు. అమాయక రైతులను హింసించిన అటవీశాఖ అధికారులపై చర్యలు తీసుకోవాలని డిమాండ్ చేశారు. అధికారులపై చర్యలు తీసుకునే వరకు దీక్ష కొనసాగిస్తామన్నారు. కార్యక్రమంలో భారతీయ జనతా పార్టీ శ్రేణులు పెద్ద ఎత్తున పాల్గొన్నారు.
