SKLM: గ్రామస్థాయిలో 15 సంవత్సరాల పైబడి 59 సంవత్సరాల లోపల గల వ్యక్తులను ఇంటింటా వెళ్లి సర్వే నిర్వహించాలని శ్రీకాకుళం జిల్లా జలుమూరు ఎంపీడీవో కే అప్పలనాయుడు అన్నారు. సోమవారం మండల సమావేశం మందిరంలో సచివాలయ సిబ్బందికి ఒక్కరోజు సెక్షన్లో పాల్గొని మాట్లాడారు. ఆయనతో ఈవోపీఆర్డీ ఉమామహేశ్వరరావు పలువురు పాల్గొన్నారు.
ELR: పెదవేగి మండలం దుగ్గిరాల తెలుగుదేశం పార్టీ క్యాంపు కార్యాలయం వద్ద ఏర్పాటు చేసిన జనతా క్యాంటీన్‌ను ఎమ్మెల్యే చింతమనేని ప్రభాకర్ సోమవారం సందర్శించారు. ఈ సందర్భంగా గత కొన్ని సంవత్సరాలుగా అయ్యప్ప మాలధారులు, భవాని భక్తులకు అందజేస్తున్న అల్పాహారాన్ని ఆయన పరిశీలించారు. అనంతరం ఎమ్మెల్యే నేరుగా అల్పాహారం పంపిణీ చేశారు.
SRPT: తుంగతుర్తి మండల కేంద్రంలోని తహశీల్దార్ కార్యాలయం ముందు భవన నిర్మాణ కార్మిక సంఘం ఆధ్వర్యంలో ఏపీలో ఇస్తున్నట్లుగా తెలంగాణ రాష్ట్రంలో కూడా ఇండ్ల నిర్మాణాలకు ఇసుకను ఉచితంగా ఇవ్వాలని నిరసన తెలిపారు. ఈ సందర్భంగా ఆ సంఘం జిల్లా ఉపాధ్యక్షులు శేఖర్ మాట్లాడుతూ.. ఇసుక ప్రజలకు దొరకకపోవడంతో భవన కార్మికులకు నిర్మాణ పనులు లేక కుటుంబ పోషణ భారంగా మారిందన్నారు.
NLR: ప్రయాణికులకు మెరుగైన సేవలు అందించడంతోపాటు, సంస్థ ఆదాయన్ని పెంచి అభివృద్ధికి కృషి చేయాలని ఆర్టీసీ నెల్లూరు జోన్ ఎగ్జిక్యూటివ్ డైరెక్టర్ వెంకటేశ్వరరావు సోమవారం కోరారు. కార్తీకమాసం సందర్భంగా స్పెషల్ బస్సుల ప్రచార వాల్ పోస్టర్‌ను ఆవిష్కరించారు. పంచారామాలు, శబరిమల క్షేత్రాలకు ప్రత్యేక బస్సులు కందుకూరు డిపో నుంచి అందుబాటులో ఉండనున్నట్లు తెలిపారు.
MHBD: మహబూబాబాద్ మున్సిపాలిటీ 28వ డివిజన్‌కు చెందిన బుదే సురేష్ గుండెపోటుతో ఈరోజు మృతి చెందారు. ఎమ్మెల్యే డాక్టర్ మురళి నాయక్ పార్దివదేహాన్ని సందర్శించి పూలమాలవేసి నివాళులు అర్పించారు. సురేష్ కుటుంబ సభ్యులను పరామర్శించి భరోసా కల్పించారు. ఈ కార్యక్రమంలో కాంగ్రెస్ పార్టీ జిల్లా అధ్యక్షులు భరచందర్ రెడ్డి పాల్గొన్నారు.
KDP: రహదారులపైన చెత్త పోస్తే కఠిన చర్యలు తీసుకుంటామని బద్వేల్ మున్సిపల్ కమిషనర్ నరసింహ రెడ్డి హెచ్చరించారు. మడకలవారి పల్లి హరిజనవాడలో ఆయన సోమవారం ఉదయం పర్యటించారు. ఈ సందర్భంగా పలు దుకాణాల వద్ద చెత్త రహదారులపై పోసి ఉండటానికి గుర్తించారు. చెత్తను సంబంధిత యజమానుల చేతనే తొలగించారు. మున్సిపాలిటీ పరిసరాల పరిశుభ్రతకు ప్రతి ఒక్కరు సహకరించాలని విజ్ఞప్తి చేశారు.
ఈ నెలలో ఆకాశంలో 4 అద్భుతాలు కనువిందు చేయనున్నాయి. అందులో ఒకటి.. భూమి నుంచి నేరుగా చూడగల నక్షత్రాల్లో ఒకటైన స్పైకా ఈ నెల 27న గంటపాటు మాయం కానుంది. ఆరోజు చందమామ ఈ తెలుపు, నీలి కాంతుల తారకు తెరగా అడ్డువస్తుందని శాస్త్రవేత్తలు తెలిపారు. తూర్పు అమెరికా, కెనడాలో ఈ వండర్ విక్షించవచ్చు. ఇక మరో 3.. అంగారక, గురు, శని గ్రహాలు ఈ మాసంలో భూమికి చేరువగా రానుండగా.. రాత్రుళ్లు వీటిని నేరుగానే చూడవచ్చట.
కృష్ణా: కార్తీక మాసం సందర్భంగా ఉయ్యూరు డిపో నుంచి పంచారామాలకు ప్రత్యేక బస్సులు ఏర్పాటు చేసినట్లు డిపో మేనేజరు కే.ఎస్.ఆర్.కే ప్రసాద్ తెలిపారు. ఈ నెల 4,10,11,17,18,24,25 తేదీల్లో రాత్రి 11:45 నిమిషాలకు ఉయ్యూరు బస్టాండ్‌లో బస్సు బయలుదేరుతుందన్నారు. అక్కడి నుంచి అమరావతి, భీమవరం, పాలకొల్లు, ద్రాక్షారామం, సామర్లకోట నుంచి తిరుగు ప్రయాణం ఉంటుందన్నారు.
W.G: ఉండ్రాజవరం మండలం తాడిపర్రులో పాపన్న గౌడ్ విగ్రహ ఏర్పాటు విషయంలో వైసీపీ ప్రభుత్వ తీరుతోనే ఏడాదిగా జాప్యం జరిగిందని మంత్రి వాసంశెట్టి సుభాశ్ పేర్కొన్నారు. తణుకు ప్రభుత్వ ఆసుపత్రిలో చికిత్స పొందుతున్న బాధితులను పరామర్శించిన అనంతరం ఆయన మీడియాతో మాట్లాడారు. గతంలోనే విగ్రహావిష్కరణ జరిగి ఉంటే ఇప్పుడు గ్రామంలో నలుగురు యువకుల ప్రాణాలు పోయేవి కాదన్నారు.
పాకిస్థాన్ మరోసారి భారత్‌పై తన అక్కసు వెళ్లగక్కింది. లాహోర్‌లో కాలుష్యానికి భారత్ కారణమంటూ విమర్శలు చేసింది. లాహోర్‌లో ఎయిర్ క్వాలిటీ ఇండెక్స్(ఏక్యూఐ) ఏకంగా 1,900 పాయింట్లు నమోదైంది. దీనిపై ఆ దేశ మంత్రి మరియం ఔరంగజేబ్ మాట్లాడుతూ.. లాహోర్‌లో వాయు కాలుష్యం పెరగడానికి భారత దేశంలోని పంజాబ్ నుంచి వీచే గాలులే కారణమని ఆరోపించారు. పొరుగు దేశం నుంచి కలుషిత గాలి అక్కడికి చేరుకున...
PPM: పాలకొండలో గల శ్రీ సత్య సాయి డిగ్రీ కళాశాల విద్యార్థులు బెహరా ధనలక్ష్మి జే.శివాని రాష్ట్రస్థాయి పోటీల్లో పాల్గొని నేషనల్ అర్హత సాధించడంపై కళాశాల యాజమాన్యం లక్ష్మీనారాయణ, రమణ, ప్రిన్సిపల్ శ్రీనివాసరావు, అధ్యాపక సిబ్బంది సోమవారం అభినందించారు. అంబేద్కర్ యూనివర్సిటీ పరిధిలో జరిగిన సౌత్ జోన్ పోటీల్లో కబడ్డీలో ధనలక్ష్మి, 400మీ.రన్నింగ్‌లో శివాని ఎంపికయ్యారు.
SKLM: ప్రజా సమస్యల పరిష్కారానికే ప్రజా దర్బార్ అని ఎమ్మెల్యే అన్నారు. రణస్థలం స్థానిక మండల ప్రజా పరిషత్ కార్యాలయం నందు సోమవారం MLA ఈశ్వరరావు ప్రజల నుండి ప్రజా సమస్యలు తెలుసుకునేందుకు “ప్రజా దర్బార్ ” నిర్వహించారు. ఈ మేరకు ప్రజలు తమ సమస్యలను అర్జీల రూపంలో ఎమ్మెల్యేకు అందజేశారు. MLA ప్రజలు నుంచి ఆర్జీలు స్వీకరించి తక్షణమే సమస్యలు పరిష్కరిస్తామన్నారు.
KMM: ముదిగొండ మండలం సువర్ణపురంలోని ఖమ్మం- కోదాడ జాతీయ రహదారిపై సోమవారం రోడ్డు ప్రమాదం జరిగింది. స్థానికులు తెలిపిన వివరాలు ప్రకారం.. రోడ్డుపై వెళ్తున్న ఆటో, కారు ఢీకొన్నాయి. ఈ ప్రమాదంలో ఆటో డ్రైవర్‌కు తీవ్రగాయాలయ్యాయి. గాయపడిన ఆటో డ్రైవర్‌ను స్థానికులు చికిత్స నిమిత్తం ఆస్పత్రికి తరలించారు. అనంతరం పోలీసులకు స్థానికులు సమాచారం అందించారు.
AP: హోంమంత్రి అనిత తిరుమల శ్రీవారిని దర్శించుకున్నారు. ఉదయం VIP దర్శన సమయంలో స్వామివారి సేవలో పాల్గొన్నారు. శ్రీవారికి ప్రత్యేక పూజలు నిర్వహించిన అనంతరం రంగనాయకుల మండపంలో మంత్రికి పండితులు వేదాశీర్వచనం చేసి, తీర్థప్రసాదాలు అందించారు. అనంతరం మీడియాతో మాట్లాడిన అనిత.. సీఎం చంద్రబాబు, పవన్, కూటమి నేతలు బాగుండాలని ప్రార్థించినట్లు వెల్లడించారు. రాష్ట్రం అభివృద్ధి చెందాలని, ప్రజలు బాగుండాలని కోరుకున...
E.G: రాజమండ్రి నగరంలోని మెయిన్ రోడ్డులో సోమవారం రాజమండ్రి సిటీ ఎమ్మెల్యే ఆదిరెడ్డి శ్రీనివాస్ పర్యటించారు. ఈ సందర్భంగా స్థానిక వ్యాపారులు పలు సమస్యలను ఆయన దృష్టికి తీసుకువెళ్లారు. ముఖ్యంగా ట్రాఫిక్, విద్యుత్ తదితర సమస్యలను ఎమ్మెల్యే దృష్టి తీసుకెళ్లగా సానుకూలంగా స్పందించారు. వెంటనే వాటి పరిష్కారానికి కృషి చేస్తానని హామీ ఇచ్చారు.
