కొన్ని రకాల మందులను (Medicines) భారత ప్రభుత్వం (Govt of India) నిషేధించింది. ఆరోగ్యానికి హాని కలిగించే 14 రకాల ఫిక్స్ డ్ డోస్ కాంబినేషన్ (fixed-dose combination -FDC) ఔషధాలను నిషేధిస్తూ ఉత్తర్వులు విడుదల చేసింది. చికిత్సపరంగా శాస్త్రీయత లేదంటూ వాటిని రద్దు చేస్తూ ఆదేశాలు జారీ చేసింది. నిషేధించిన మందులు విక్రయిస్తే కఠిన చర్యలు తీసుకుంటామని ఈ సందర్భంగా కేంద్ర ప్రభుత్వం హెచ్చరించింది.
చదవండి: Artificial Intelligenceతో ఏం మాయ.. భారతీయ వరుడిగా ఎలన్ మస్క్..
నిపుణుల కమిటీ సిఫారసు మేరకు ప్రభుత్వం ఈ నిర్ణయం తీసుకుంది. ఫిక్స్ డ్ కాంబినేషన్ అంటే.. రెండు లేదా అంతకుమించి యాక్టివ్ ఇంగ్రేడియెంట్స్ (కాంపౌండ్స్) కలయిక. డోసేజ్ (Dosage) కూడా ఫిక్స్ డ్ గా ఉంటుంది. అధిక శాతం ప్రజల ప్రయోజనం రీత్యా వీటి తయారీ, విక్రయాలు, పంపిణీని నిషేధిస్తున్నట్లు కేంద్ర ప్రభుత్వం ఉత్తర్వుల్లో స్పష్టం చేసింది. కాగా నిషేధించిన మందులు ఇవే..
నిషేధిత మందులు
– నిమెసులైడ్, ప్యారాసిటమాల్ డిస్పర్సబుల్ ట్యాబ్లెట్లు
– అమోక్సిసిల్లిన్, బ్రొమెహెక్సెన్
– ఫొల్కొడిన్, ప్రొమెథజైన్
– క్లోర్ ఫెనిరమైన్ మైలేట్, డెక్ట్రో మెథార్ఫన్, గ్వైఫెన్సిస్, అమ్మోనియం క్లోరైడ్, మెంథాల్
– క్లోర్ ఫెనిరమైన్ మైలేట్, కోడిన్ సిరప్
– అమ్మోనియం క్లోరైడ్, బ్రొమ్ హెక్సైన్, డెక్ట్రోమెథార్ఫన్
– సాల్బూటమాల్, బ్రొమెహెక్సైన్, క్లోరోఫెనిరమైన్ మైలేట్, గ్వైఫెన్సిన్
చదవండి: Adipurush తిరుమల వెంకన్న సాక్షిగా ఆదిపురుష్ ప్రీ రిలీజ్ ఈవెంట్
