బాలాపూర్ లో ప్రతి సంవత్సరం జరిగే గణేష్ లడ్డు వేలం చాలా ప్రత్యేకం. 2024 సంవత్సరంలో ఈ లడ్డు వేలం అత్యధిక ధరకు కైవసం చేసుకున్నారు. ఈసారి, బాలాపూర్ గ్రామానికి చెందిన కొలను శివరెడ్డి, 30 లక్షల 1 వేల రూపాయల ధరకు లడ్డు ను గెలిచారు. ఇది గత సంవత్సరం 27 లక్షల రూపాయలకు దాసరి దయానంద్ రెడ్డి గెలుచుకున్న లడ్డు కంటే ఎక్కువ.
ఈ సంవత్సరం, అనేక ప్రతిష్టాత్మకుల సమూహం ఈ వేలంలో పాల్గొని, తమ బిడ్డింగ్ తో పోటీ చేసినప్పటికీ, శివరెడ్డి చివరికి విజేతగా నిలిచారు. గత కొన్నేళ్లుగా లడ్డు కోసం ప్రయత్నిస్తున్న శివరెడ్డి, ఈ ఏడాది తన ప్రతిష్టను నిలబెట్టుకున్నారు. మీడియాతో మాట్లాడిన శివరెడ్డి, “ఎదురుగా వచ్చిన సవాళ్లను అధిగమించి, చివరకు ఈ సంవత్సరం లడ్డు నా చేయి చేరడం ఎంతో సంతోషకరం. ఇది నాకు ఎంతో గౌరవం మరియు ఆనందం” అని తెలిపారు.
అయితే, ఈ సంవత్సరం బాలాపూర్ గ్రామానికి చెందిన వ్యక్తి లడ్డు గెలుచుకోవడం, గ్రామస్థులకు కూడా ఆనందాన్ని కలిగించింది. ప్రతీ ఏడాది, బాలాపూర్ లడ్డు వేలం, దేశవ్యాప్తంగా ఎంతో చర్చనీయాంశంగా మారింది. స్వతాహాగా రైతు కుటుంబానికి చెందిన శివ రెడ్డి తమ భూముల విలువ పెరగడం వలన ఆర్ధికంగా బాగా స్థిరపడ్డామని చెప్పారు… ఈ లడ్డును ఆయన ప్రధాని నరేంద్ర మోదీకి ఇస్తానని చెప్పడం గమనార్హం.
