Lok Sabha Polls : అతి పెద్ద ప్రజాస్వామ్య దేశమైన భారత్‌లో ఎన్నికలంటే ఇక్కడే కాదు.. ప్రపంచ వ్యాప్తంగానూ అంతే ఆసక్తి. అలాంటి దేశంలో ఎన్నికల సిత్రాలకు కొదువే లేదు. ఈ లోక్‌ సభ ఎన్నికల్లో(Lok Sabha Polls ) ఒకరు కేవలం 48 ఓట్ల తేడాతో నెగ్గి ఎంపీగా పార్లమెంటులో అడుగు పెట్టబోతున్నారు. మరొకరు అతి చిన్న వయసులోనే ఎంపీగా మారారు. వీరికి ఈ చిత్రమైన విజయాలు ఎలా దక్కాయో తెలుసుకుందాం. పదండి.
చదవండి : సెలవులపై విదేశాలకు సీఐడీ చీఫ్‌, పారిపోతున్నారంటూ భారీగా ట్రోల్స్‌
ఈ ఎన్నికల్లో బిహార్‌లో ఎన్డీయే మిత్రపక్షం అయిన ఎల్‌జేపీ(ఆర్‌) ఐదు స్థానాల్లో విజయం సాధించింది. ఆ పార్టీ తరఫున సమస్తీపూర్‌ నుంచి శాంభవీ చౌదరి పోటీ చేశారు. ఆమె వయసు 25 సంవత్సరాల పదకొండు నెలల 20 రోజులు. ఇంత చిన్న వయసులోనే ఆమె కాంగ్రెస్‌ అభ్యర్థి సన్నీ హజారీపై 1,87,537 ఓట్ల తేడాతో గెలుపొందారు. దీంతో ఈ ఎన్నికల్లో అతి పిన్న ఎంపీగా ఆమె పార్లమెంటులో అడుగుపెట్టబోతున్నారు.
చదవండి : విడుదలవబోతున్న ‘కల్కి’ ట్రైలర్‌.. ఎప్పుడంటే?
ఇక మహారాష్ట్రలో శిందే వర్గానికి చెందిన రవీంద్ర వైకర్ అనే అభ్యర్థి(Candidate)… శివసేన(యూబీటీ) అభ్యర్తి అమోల్‌ కీర్తికర్‌పై విజయం సాధించారు. అతి స్వల్పమైన ఆధిక్యంతో రవీంద్ర వైకర్ విజయం సాధించడం గమనార్హం. ఈ ఫలితాల్లో అమోల్‌ కీర్తికర్‌కు 4,52,596 ఓట్లు వచ్చాయి. ఆయనపై విజయం సాధించిన రవీంద్రకు 4,52,644 ఓట్లు వచ్చాయి. అంటే కేవలం 48 ఓట్లు ఆయనను పార్లమెంటులో అడుగు పెట్టేలా చేశాయన్నమాట!
