Chhindwara Murder Case : ఇంటి పెద్దగా వ్యవహరించాల్సిన ఓ వ్యక్తి ఆ కుటుంబం పాలిట యముడిగా మారాడు. మానసిక సమస్యలతో బాధ పడుతున్న ఆ వ్యక్తి వరుసగా తన భార్య, తల్లి, సోదరుడు, సోదరి, మేనల్లుడు, మేనకోడళ్లను గొడ్డలితో నరికి చంపేశాడు. ఆ తర్వాత మేనమామ కొడుకు(10)పై దాడి చేస్తుండగా అతడు అక్కడి నుంచి తప్పించుకుని పారిపోతూ ఇంటి పక్కన ఉన్న వారికి జరిగిన విషయం అంతా చెప్పారు.
చదవండి : సైన్ లాంగ్వేజ్‌లో టైగర్‌ నాగేశ్వరరావు
ఈ క్రమంలో ఇలా ఎనిమిది మందిని హత్య(MURDER) చేసిన తర్వాత నిందితుడు కూడా ఆత్మహత్యకు పాల్పడ్డాడు. బుధవారం తెల్లవారుజామున మూడు గంటల ప్రాంతంలో మధ్యప్రదేశ్‌లోని ఛింద్వారాలో (CHHINDWARA) ఈ ఘటన చోటు చేసుకుంది. ఈ ఘటనపై సమాచారం అందుకున్న పోలీసులు వెంటనే ఘటనా స్థలానికి చేరుకున్నారు. హత్యలు ఎందుకు చేశాడనే విషయమై వారు దర్యాప్తు చేస్తున్నారు.
చదవండి : రూ.75 వేలకు చేరువలో బంగారం.. లక్షకు దగ్గర్లో వెండి!
పోలీసులు తెలిపిన వివరాల ప్రకారం… నిందితుడికి మానసిక సమస్యలు ఉన్నాయి. పైగా అతడికి మే 21వ తేదీనే వివాహం జరిగింది. పెళ్లై వారం రోజులు అయ్యింది. ఈ క్రమంలో ఇంట్లో ఏమైనా గొడవలు జరిగాయా? లేదా మానసిక సమస్యలతోనే అతడు ఇన్ని హత్యలకు పాల్పడ్డాడా? అనే కోణంలో పోలీసులు దర్యాప్తు చేస్తున్నారు. అయితే ఇందుకు సంబంధించిన పూర్తి వివరాలు ఇంకా తెలియరాలేదు. ఇలా వరుస హత్యలతో స్థానికంగా విషాదం నెలకొంది.
