Young heroine in the role of YS Bharathi in Yatra 2
మలయాళ మెగాస్టార్ మమ్ముట్టి ప్రధాన పాత్ర పోషించిన యాత్ర మూవీ. కేవలం వైఎస్ఆర్సీపీ కార్యకర్తలని మాత్రమే కాకుండా సినీ అభిమానులందరినీ మెప్పించింది. ఆంధ్రప్రదేశ్ మాజీ ముఖ్యమంత్రి దివంగత నాయకుడు వైఎస్. రాజశేఖర్ రెడ్డి జీవితం ఆధారంగా తెరకెక్కిన ఈ సినిమాకు.. మహి.వి రాఘవ్ దర్శకత్వం వహించాడు. 2019లో రిలీజ్ అయిన యాత్ర మూవీ గత ఎన్నికల్లో వైఎస్ఆర్ పార్టీకి బాగా కలిసొచ్చింది. అందుకే ఇప్పుడు 2024 ఎన్నికలని టార్గెట్ చేస్తూ ‘యాత్ర 2’ సినిమాని రెడీ చేస్తున్నారు.
మమ్ముట్టి వైఎస్ రాజశేఖర్ రెడ్డిగా కనిపిస్తుండగా..కోలీవుడ్ హీరో జీవా ఏపి సీఎం జగన్మోహన్ రెడ్డి పాత్రలో నటిస్తున్నాడు. ఇప్పటికే యాత్ర 2 మూవీని 2024 ఫిబ్రవరిలో రిలీజ్ చేస్తున్నట్టుగా ప్రకటించారు. అలాగే యాత్ర 2(yatra2)మోషన్ పోస్టర్, ఫస్ట్ లుక్ కూడా రిలీజ్ చేశారు. అంతేకాదు..చంద్రబాబు, సోనియా గాంధీ లాంటి వారి పాత్రలను కూడా రివీల్ చేశారు. ఇక ఇప్పుడు వైఎస్ భారతి పాత్రలో ఎవరు నటిస్తున్నారనేది క్లారిటీ ఇచ్చేశారు. బాలీవుడ్‌ యంగ్ బ్యూటీ కేతకి నారాయణన్ వైఎస్ భారతిగా కనిపించనుందని ఫస్ట్ లుక్ రిలీజ్ చేశారు.
భారతి పాత్రలో కేతకి నారాయణన్ పర్పెక్ట్ యాప్ట్ అని చెప్పొచ్చు. ప్రస్తుంత ఈ ఫస్ట్ లుక్ సోషల్ మీడియాలో వైరల్‌గా మారింది. ఇక ఈ సినిమాను యువీ సెల్ల్యులాయిడ్స్, త్రీ ఆటుమైన్ లీఫ్స్ బ్యానర్స్ కలిసి సంయుక్తంగా నిర్మిస్తున్నాయి. సంతోష్ నారాయణ్ మ్యూజిక్ అందిస్తున్నాడు. మరి యాత్ర 2 ఎలా ఉంటుందో చూడాలి.
ఇది కూడా చూడండి: Pradeep: యాంకర్ ప్రదీప్ పెళ్లి..నిజమేనా?
