మణిరత్నం(Maniratnam) డ్రీమ్ ప్రాజెక్ట్ అయిన పొన్నియన్ సెల్వన్(Ponniyan selvan) సినిమా రెండో పార్టు శరవేగంగా షూటింగ్ జరుపుకుంటోంది. ఇప్పటికే పొన్నియన్ సెల్వన్1 సినిమా మంచి విజయం సాధించింది. ఇప్పుడు దానికి కొనసాగింపుగా పొన్నియన్ సెల్వన్2(Ponniyan selvan2) సినిమా రూపొందుతోంది. ఈ సినిమాకు సంబంధించిన సాంగ్(Song)ను చిత్ర యూనిట్ రిలీజ్(Release) చేసింది. హీరో జయం రవి (Jayam Ravi)ని కీర్తిస్తూ ఈ పాట సాగుతుంది. ఈ సినిమాకు ఏఆర్ రెహమాన్ (AR Rahman) సంగీతం అందించారు.
పొన్నియన్ సెల్వన్-2 నుంచి రిలీజ్ అయిన ‘వీర రాజ వీర’ సాంగ్:
తాజాగా విడుదలైన ఈ పాటకు చంద్రబోస్(Chandrabose) సాహిత్యం అందించారు. ఈ పాటను శంకర్ మహదేవన్, చిన్మయి శ్రీపాద పాడారు. ఈ పాట క్లాసికల్ టచ్‌తో ఆకట్టుకుంటోంది. ఈ పాటలో జయం రవితో పాటుగా శోభిత ధూళిపాళ్ల కనిపిస్తోంది. జయం రవి(Jayam Ravi)కి స్వాగతం పలుకుతూ శోభిత నాట్యం చేస్తుండటాన్ని పాటలో చూడొచ్చు.
చదవండి: Prithviraj Sukumaran : ఎడారిలో మేకల కాపరిగా పృథ్వీరాజ్‌..ట్రైలర్ అదుర్స్
పొన్నియన్ సెల్వన్2(Ponniyan selvan2) సినిమాలో విక్రమ్, కార్తీ, ఐశ్వర్య రాయ్, త్రిష, జయం రవి, శోభిత ధూళిపాల్ల, ఐశ్వర్య లక్ష్మి, ప్రభు, ప్రకాష్ రాజ్, పార్థిబన్, విక్రమ్ ప్రభు వంటి భారీ తారాగణం నటిస్తోంది. మొదటి పార్టులో చెప్పిన ట్విస్టులను ఈ భాగంలో రివీల్ చేయనున్నారు. చోళుల సామ్రాజ్యానికి సంబంధించిన కథాంశంతో తెరకెక్కుతోన్న ఈ సినిమాపై భారీ అంచనాలు నెలకొన్నాయి. త్వరలోనే ఈ సినిమాకు సంబంధించిన రిలీజ్ డేట్‌(Release Date)ను తెలియజేయనున్నట్లు చిత్ర యూనిట్ వెల్లడించింది.
