దర్శక ధీరుడు రాజమౌళి ఫ్యామిలీ నుంచి వారసులు దూసుకొస్తున్నారు. ఇప్పటికే రాజమౌళితో పాటుగా ఎస్.ఎస్. కార్తికేయ ట్రావెల్ అవుతున్నాడు. నాటు నాటు పాటకు ఆస్కార్ రావడంలో.. కార్తికేయ కీ రోల్ ప్లే చేశాడు. ఇక ఆస్కార్ విజేత కీరవాణి వారసులు కూడా ఇండస్ట్రీలో తమకంటు ప్రత్యేకంగా గుర్తింపు తెచ్చుకున్నారు. నాటు నాటు సాంగ్ పాడిన కాల భైరవ తండ్రితో పాటే ఆస్కార్‌ను వేదికను పంచుకున్నాడు. ఆస్కార్ స్టేజ్ పై నాటు నాటు లైవ్ పర్ఫార్మెన్స్ కూడా ఇచ్చాడు. తండ్రి బాటలలోనే మ్యూజిక్ డైరెక్టర్‌గా కూడా రాణిస్తున్నాడు కాల భైరవ. ఇక కాల భైరవ బ్రదర్.. శ్రీ సంహా కోడూరి హీరోగా రాణిస్తున్నాడు. చైల్డ్ ఆర్టిస్ట్‌గా యమదొంగ, మర్యాద రామన్న సినిమాల్లో నటించిన శ్రీ సింహా ‘మత్తు వదలరా’ సినిమాతో హీరోగా మారాడు. మొదటి సినిమాతో మంచి మార్కులు కొట్టిన శ్రీసింహా.. ఆ తర్వాత నుంచి బ్యాక్ టు బ్యాక్ సినిమాలు చేస్తున్నాడు. తెల్లవారితే గురువారం, దొంగలున్నారు జాగ్రత్త వంటి సినిమాలు చేశాడు. ఇక ఇప్పుడు ఈ యంగ్ టాలెంట్ ‘ఉస్తాద్’ అనే సినిమాతో రాబోతున్నాడు. సాయి కొర్రపాటి, క్రిషీ ఎంటర్తైన్మెంట్స్ కలిసి నిర్మిస్తున్న ఈ సినిమాని ఫనిదీప్ డైరెక్ట్ చేస్తున్నాడు. తాజాగా ఈ మూవీ టీజర్‌ని రిలీజ్ చేశారు. బలగం ఫేమ్ కావ్య హీరోయిన్‌గా నటిస్తున్న ఈ మూవీ టీజర్ ఇంప్రెసివ్ గా ఉంది. ఎత్తుని చూడాలి అంటేనే భయపడే ఒక కుర్రాడు, పైలట్‌ ఎలా అయ్యాడు.. అనే కథతో ఉస్తాద్ ఆసక్తికరంగా మారింది. జస్ట్ టీజర్‌తోనే శ్రీసింహా సినిమా పై మంచి హైప్ క్రియేట్ చేశాడు. ముఖ్యంగా ఈ టీజర్‌లో ఫ్లైట్‌తో పాటు బైక్‌ని కూడా హైలెట్ చేశారు. మరి థియేటర్లో ‘ఉస్తాద్’ ఏం చేస్తాడో చూడాలి.
