బిచ్చగాడు సినిమాతో తెలుగులోను మంచి క్రేజ్ సొంతం చేసుకున్నాడు విజయ్ ఆంటోనీ(hero vijay antony). అందుకే.. ఇటీవల బిచ్చగాడుకి సీక్వెల్‌గా వచ్చిన బిచ్చగాడు 2 భారీ విజయాన్ని అందుకుంది. ఈ సినిమాకు విజయ్ ఆంటోనీ హీరోగా నటించడమే కాకుండా.. దర్శకత్వం వహించి, మ్యూజిక్ కూడా అందించాడు. విజయ్ ఆంటోనీ భార్య నిర్మాతగా వ్యవహరించింది. కావ్య థాపర్ హీరోయిన్‌గా నటించింది. చాలా గ్యాప్ తర్వాత ఈ సీక్వెల్ వచ్చినా కూడా అదిరిపోయే వసూళ్లను రాబట్టింది. దీంతో బిచ్చగాడుకి మరో బ్లాక్ బస్టర్ ఇచ్చేశారు తెలుగు జనాలు.
చదవండి: Rakul preeth singh: ఎట్టకేలకు.. రకుల్‌ గ్లామర్ షో చూసి స్టార్ హీరో ఛాన్స్!?
అయితే బిచ్చగాడు, బిచ్చగాడు 2 సినిమా మధ్యలో విజయ్ ఆంటోని నుంచి ఎన్నో డబ్బింగ్ సినిమాలు ఆడియెన్స్ ముందుకి వచ్చాయి. కానీ ఏది కూడా అలరించలేకపోయింది. దాంతో మళ్లీ బిచ్చగాడుగానే హిట్ అందుకున్నాడు. ఇక ఈ సినిమా సక్సెస్‌ జోష్‌లో ఉన్న విజయ్ ఆంటోని.. త్వరలోనే మరో కొత్త సినిమా ప్రేక్షకుల ముందుకి తీసుకురాబోతున్నాడు. గత చిత్రాల మాదిరిగానే థ్రిల్లర్ జోనర్‌లో వైవిధ్యమైన కాన్సెప్ట్‌తో తెరకెక్కిన ‘హత్య’ అనే సినిమా రిలీజ్‌కు రెడీ అవుతోంది.
చదవండి: Naga Shaurya: అమ్మాయిలదే తప్పు.. నాగ శౌర్య కామెంట్స్ వైరల్
హత్య ఎలా జరిగింది? ఎవరు చేశారు? ఎందుకు చేశారు? అనే పాయింట్‌తో మర్డర్ మిస్టరీగా ఈ సినిమాను తెరకెక్కించారు. తాజాగా ఈ సినిమా రిలీజ్ డేట్‌ను ప్రకటించాడు విజయ్ ఆంటోని. ‘హత్య’ సినిమాను జులై 21వ తేదీన రిలీజ్ చేయనున్నట్టు అనౌన్స్ చేశాడు. తమిళంలో ‘కోలై’ అనే పేరుతో తెరకెక్కిన ఈ సినిమాను.. తెలుగులో ‘హత్య’ పేరుతో డబ్ చేస్తున్నారు. బాలాజీ కుమార్ దర్శకత్వం వహించిన ఈ సినిమాను ఇన్ఫినిటీ ఫిలిమ్ వెంచర్స్, లోటస్ పిక్చర్స్ సంయుక్తంగా నిర్మిస్తున్నాయి.
చదవండి: Tamannaah: ఆ సీన్స్ కలిసే చూడండి.. తమన్నా పై ట్రోలింగ్!
గిరీష్ గోపాలకృష్ణన్ సంగీతం అందిస్తున్నారు. ఈ సినిమాలో రితికా సింగ్, మీనాక్షి చౌదరి హీరోయిన్లుగా నటిస్తుండగా.. రాధికా శరత్ కుమార్, మురళీ శర్మ, జాన్ విజయ్, సంకిత్ బోహ్రా ప్రధాన పాత్రల్లో నటిస్తున్నారు. మరి హత్యతో విజయ్ ఎలా మెప్పిస్తాడో చూడాలి.
