టీజర్‌లో కనీసం ప్రభాస్ మొహం కూడా చూపించలేదు ప్రశాంత్ నీల్. కానీ ఒకే ఒక్క సింపుల్ ఇంగ్లీష్ డైలాగ్‌తో సెన్సేషన్ క్రియేట్ చేశాడు. సెప్టెంబర్ 28న సలార్ రిలీజ్ కానుంది. దాంతో.. ఇప్పటి నుంచే రోజులు లెక్క పెట్టుకుంటున్నారు ప్రభాస్ ఫ్యాన్స్. అలాగే ఈ సినిమా కథేంటి? ఎలా ఉండబోతోంది? అనే చర్చ జరుగుతునే ఉంది. ఇప్పటి వరకు ఈ సినిమా కథ, ప్రభాస్ క్యారెక్ట‌ర్ విష‌యంలో ఎలాంటి క్లూ లేదు. కానీ లేటెస్ట్ అప్డేట్ ప్రకారం.. సలార్ స్టోరీ లీక్ అయిపోయిందంటున్నారు.
చదవండి: Nayanthara: నయనతార రాదు.. విశాల్ షాకింగ్ కామెంట్స్
మామూలుగా ఏ సినిమా అయినా సరే.. అడ్వాన్స్ బుకింగ్స్ యాప్లలో సినిమా కథకు సంబంధించిన ఓవరాల్ లైన్ ఉంటుంది. ఈ క్రమంలో ఓవ‌ర్‌సీస్‌ బుకింగ్స్ యాప్లలో సలార్ కథ గురించి లీడ్ ఇచ్చేశారు మేకర్స్. యుద్ధ వాతావరణం ఎక్కువ‌గా ఉన్న ఓ క‌ల్లోలిత ప్రాంతంలో సలార్ సినిమా ఉంటుందని.. ఈ సినాప్సిస్‌లో పేర్కొన్నారు. త‌న త‌ల్లికి, స్నేహితుడికి ఇచ్చిన మాట కోసం సలార్ చేసే యుద్ధమే.. ఈ సినిమా కథ అని చెబుతున్నారు. కెజియఫ్‌లో మదర్ సెంటిమెంట్‌ను హైలెట్ చేసిన ప్రశాంత్ నీల్.. సలార్‌లో కూడా తల్లి సెంటిమెంట్‌తోనే కథను నడిపించనున్నట్టు తెలుస్తోంది.
చదవండి: Trivikram: త్రివిక్రమ్ ‘బ్రో’ ఇక కష్టమే.. పవన్ ఫ్యాన్స్ ఫైర్!
చీకటి సామ్రాజ్యాన్ని ఏలుతున్న రాజుకు న‌మ్మిన బంటుగా ప‌వ‌ర్‌ఫుల్ పాత్ర‌లో ప్రభాస్ క‌నిపించ‌బోతున్నాడట. విలన్‌గా నటిస్తున్న పృథ్విరాజ్ సుకుమారన్ పాత్ర ప్రభాస్‌తో సమానంగా పవర్ ఫుల్‌గా ఉంటుందట. ప్రస్తుతం ఈ న్యూస్ సోషల్ మీడియాను షేక్ చేస్తోంది. అయితే సలార్ కథపై ఓ క్లారిటీ రావాలంటే.. ట్రైలర్ బయటికొచ్చే వరకు వెయిట్ చేయాల్సిందే. సలార్ ట్రైల‌ర్‌ను ఆగ‌స్ట్‌లో రిలీజ్ చేయ‌బోతున్నారు. మరి భారీ అంచనాలున్న సలార్.. బాక్సాఫీస్ దగ్గర ఎలాంటి వండర్స్ క్రియేట్ చేస్తుందో చూడాలి.
