ప్రస్తుతం పవర్ స్టార్ పవన్ కళ్యాణ్(Pawan Kalyan) నటిస్తున్న సినిమాల్లో.. ఓజి (OG)పై ఎక్కడా లేని హైప్ ఉంది. సాహో తర్వాత సుజిత్ డైరెక్ట్‌ చేస్తున్న ఈ చిత్రం జెట్ స్పీడ్‌లో షూటింగ్ జరుపుకుంటోంది. పవర్ ఫుల్ గ్యాంగ్ వార్ బ్యాక్ డ్రాప్‌లో వస్తున్న ఈ సినిమాలో ప్రియాంకా అరుళ్‌ మోహన్‌ హీరోయిన్‌గా నటిస్తుండగా.. బాలీవుడ్ హీరో ఇమ్రాన్ హష్మీ విలన్‌గా నటిస్తున్నాడు. డీవీవీ ఎంటర్టైన్మెంట్ బ్యానర్‌పై డివివి దానయ్య ఈ సినిమాను నిర్మిస్తున్నారు. థమన్‌ మ్యూజిక్‌ అందిస్తున్నాడు. తాజాగా ఈ సినిమా థర్డ్ షెడ్యూల్‌ని కంప్లీట్ చేసుకుంది. దీంతో ఓజి షూటింగ్ 50% పూర్తైందని వెల్లడించారు మేకర్స్. ఇదే స్పీడ్‌తో ఓజి షూటింగ్ జరిగితే.. ఈ ఏడాదిలోనే ఈ సినిమా రిలీజ్ అవడం పక్కా. ఇండస్ట్రీ వర్గాల ప్రకారం.. ఓజీ మూవీని డిసెంబర్ 22న రిలీజ్ చేసేందుకు ప్లాన్ చేస్తున్నారట మేకర్స్.
చదవండి: Rudrangi Trailer: జగపతిబాబు ‘రుద్రంగి’ ట్రైలర్‌ రిలీజ్
ఇదే నిజమైతే.. పవర్ స్టార్, వెంకటేష్(Venkatesh)ను రిస్క్‌లో పెట్టినట్టే అవుతుంది. ఎందుకంటే.. ఆ రోజు వెంకీ నటిస్తున్న ‘సైంధవ్’ మూవీ రిలీజ్‌కు రెడీ అవుతోంది. ఈ సినిమాను హిట్ మూవీ డైరెక్టర్ శైలేష్ కొలను తెరకెక్కిస్తున్నాడు. శ్రద్ధా శ్రీనాథ్‌ హీరోయిన్‌గా నటిస్తోంది. రుహానీ శర్మ, బాలీవుడ్ నటుడు నవాజుద్దీన్ సిద్దిఖీ కీలక పాత్రలు పోషిస్తున్నారు. నిహారిక ఎంటర్టైన్మెంట్ బ్యానర్‌పై వెంకట్‌ బోయనపల్లి నిర్మిస్తున్న ఈ సినిమాకు.. సంతోష్‌ నారాయణన్‌ సంగీతం అందిస్తున్నాడు. అయితే ఈ సినిమాను డిసెంబర్ 22న రిలీజ్ చేస్తామని.. ఇప్పటికే ప్రకటించారు మేకర్స్.
చదవండి: Rajamouli: రాజమౌళి షాకింగ్‌ కామెంట్స్.. వైరల్ వీడియో
తెలుగు, తమిళం, మలయాళం, కన్నడ, హిందీ భాషల్లో ప్రపంచవ్యాప్తంగా గ్రాండ్‌గా విడుదల చేస్తామని అనౌన్స్ చేశారు. కానీ ఇప్పుడు అదే రోజు ఓజి(OG) రంగంలోకి దిగుతున్నట్టు తెలుస్తోంది. ఒకవేళ ఓజి బరిలోకి దిగితే.. రిస్క్ ఎందుకని వెంకీ బాక్సాఫీస్ బరి నుంచి తప్పుకుంటే ఓకే.. లేదంటే పవన్ వర్సెస్ వెంకటేష్(Pawan Kalyan vs Venkatesh) బాక్సాఫీస్ వార్ ఇంట్రెస్టింగ్‌గా మారనుంది. చూడాలి మరి.. ఓజి రిలీజ్ డేట్‌లో ఎంతవరక నిజముందో!
