మరో ఎనిమిది రోజుల్లో న్యాచురల్ స్టార్ నటించిన ఫస్ట్ పాన్ ఇండియా ఫిల్మ్ ‘దసరా’ రిలీజ్ కాబోతోంది. ఇప్పటికే ప్రమోషన్స్ జోరుగా చేస్తున్నాడు నాని. అలాగే దసరా నవరాత్రులు స్టార్ట్ అయ్యాయి.. అంటూ రోజుకో ఊరమాస్ పోస్టర్ రిలీజ్ చేస్తున్నారు. ఇక పోస్టర్స్‌లో నాని లుక్ చూసి.. సినిమా పై అంచనాలు పెరుగుతునే ఉన్నాయి. తాజాగా ఉగాది సందర్భంగా.. ధరణి, వెన్నెలతో ఓ పోస్టర్ వదిలారు. ఇది మాస్‌కె బాప్‌లా ఉంది. విలేజ్‌లో రియల్ దసరాను చూపించిన్నట్టే ఉంది. ఖచ్చితంగా ఈ సినిమాలో కీర్తి సురేష్, నాని నట విశ్వరూపం ఉంటుందని చెప్పొచ్చు. ఇప్పటి వరకు కాదు.. ఎప్పటికీ కూడా నాని కెరీర్లో ఇదే ఊరమాస్ మూవీ అని చెప్పొచ్చు. ఇక ఈ సినిమా రిలీజ్ టైం దగ్గర పడడంతో.. ప్రమోషన్స్ మరింత స్పీడ్ చేశారు. పాన్ ఇండియా రేంజ్‌లో దసరా నవరాత్రి యాత్ర షురూ చేశారు. మార్చి 22 నుంచి 29 వరకు దేశం మొత్తం చుట్టేయనున్నాడు నాని. 22న ముంబై, 23 నాగ్‌పూర్, 24 అహ్మదాబాద్, 25 జైపూర్, 26 అనంతపుర్, 27 ఢిల్లీ, 28 నొయిడా.. ఫైనల్‌గా 29న హైదరాబాద్‌లో ప్రమోషన్స్ చేయబోతున్నట్టు.. సాలిడ్ పోస్టర్‌తో ప్రకటించారు. అయితే ఈ మధ్యలో ప్రీ రిలీజ్ ఈవెంట్ కూడా ఉంటుందని వినిపించింది. 26న అనంతపూర్‌కు దసరా టీమ్ వెళ్తుంది కాబట్టి.. అక్కడే ఈవెంట్ ప్లాన్ చేస్తున్నారా.. లేదంటే 29న హైదరాబాద్‌లో బిగ్ ఈవెంట్ ఉంటుందా.. అనే విషయంలో క్లారిటీ రావాల్సి ఉంది. మొత్తంగా దసరా ప్రమోషన్స్ టూర్ మాత్రం ఓ రేంజ్‌లో చేస్తున్నారు. ఈ సినిమాతో శ్రీకాంత్ ఓదెల దర్శకుడిగా పరిచయం అవుతుండగా.. సంతోష్ నారాయణన్ మ్యూజిక్ అందిస్తున్నాడు.
