Donald Trump : డొనాల్డ్‌ ట్రంప్ ఉన్నట్లుండి ప్రపంచ సంపన్నుల్లో ఒకరుగా రికార్డులకెక్కారు. బ్లూమ్‌బర్గ్‌ ప్రపంచ సంపన్నుల జాబితాలో 500 మందిలో ఆయనకు స్థానం దక్కింది. ఎప్పటి నుంచో పెండింగులో ఉన్న ఆయన కంపెనీ డీల్‌ ఒకటి పూర్తవడంతో ఆయన నెట్వర్త్‌ ఒక్కసారిగా 4 బిలియన్‌ డాలర్లు పెరిగిపోయింది. దీంతో ఇప్పుడు ఆయన సంపద 6.5 బిలియన్‌ డాలర్లకు చేరుకుంది. గతంలో ఎప్పుడూ కూడా ఆయన ఆస్తుల విలువ ఈ స్థాయిలో పెరగలేదని యూఎస్ఏ టుడే పేర్కొంది.
చదవండి : ఉగ్రదాడిలో పాల్గొన్న ఉగ్రవాదులు వీరే.. మీడియాకు చూపించిన రష్యా
ట్రంప్‌నకు(Trump) చెందిన సామాజిక మాధ్యమం ట్రూత్‌ సోషల్‌ సంస్థ…. డిజిటల్‌ వరల్డ్‌ అక్విజేషన్‌ కార్ప్‌(Digital World Acquisition Corp(DWAC))తో విలీనం అయింది. ఈ ఒప్పందంపై చర్చలు దాదాపుగా 29 నెలలుగా కొనసాగుతున్నాయి. ఈ విలీనం ఖరారు కావడంతో డీడబ్ల్యూఏసీ(DWAC) షేర్లు 35 శాతానికి పైగా పెరిగి మార్కెట్లో ర్యాలీ చేశాయి. దీంతో ట్రంప్ సంపద కూడా భారీగా పెరిగి6.5 బిలియన్‌ డాలర్లకు చేరినట్లు సీఎన్‌బీసీ పేర్కొంది.
చదవండి : కొడుకుతో కలిసి పదో తరగతి పరీక్షలు రాస్తున్న తల్లి
ఈ రెండు కంపెనీల విలీనం తర్వాత ఏర్పడ్డ కొత్త కంపెనీ డీజేటీ. ఇది నేటి నుంచి నాస్‌డాక్‌లో ట్రేడింగ్‌ కానుంది. ఈ కొత్త కంపెనీలో వాటాలను ట్రంప్ కనీసం ఆరు నెలల పాటు విక్రయించకుండా ఉండాల్సి ఉంటుంది.
