లిబియా (Libya)లో వరదలు (Floods) విధ్వంసం సృష్టించాయి. భారీ వరదల కారణంగా మరణించిన వారి సంఖ్య 11 వేలకు చేరింది. ఈ ఘటనలో 10 వేల మందికిపైగా గల్లంతయ్యారని అధికారులు తెలిపారు. ఇంకా 30 వేల మందికి పైగా నిరాశ్రయులయ్యారని ట్రిపోలీలోని ప్రభుత్వ ఆరోగ్య మంత్రిత్వ శాఖ వెల్లడించింది. వరదల వల్ల మట్టిలో కూరుకుపోయి చనిపోయిన వారిని బయటకు వెలికితీస్తున్నారు. లిబియాలో ఎటుచూసినా శవాల దిబ్బలు కనిపిస్తున్నాయి.
చదవండి: Europe : వారి శరీరాల్లో అతి భయంకర రసాయనం..పరిశోధకులు షాక్
అనేక ఆసుపత్రులు మృతదేహాల (Deadbodies)తో నిండిపోయాయని ఆరోగ్య శాఖ వెల్లడించింది. డేనియల్ తుఫాను సమయంలో ఆనకట్ట తెగిపోవడంతో సునామీ లాంటి వరదలు చాలా గ్రామాలపై విరుచుకుపడ్డాయి. అనేక భవనాలు నేలమట్టమయ్యాయి. రెస్క్యూ టీమ్‌లు కూలిన భవనాల శిథిలాల నుంచి మృతదేహాలను వెలికితీస్తున్నాయి.
చదవండి: Karachi Bakery: హైదరాబాద్ కరాచీ బేకరీకి అంతర్జాతీయ గుర్తింపు
తప్పిపోయిన 10 వేల మంది కూడా మరణించి ఉంటారని అధికారులు భావిస్తున్నారు. సహాయక చర్యలు నిరంతరం కొనసాగుతున్నాయి. అయినప్పటికీ తమ దేశానికి చాలా సాయం అవసరమని లిబియా (Libya) ప్రభుత్వం ఇతర దేశాలను కోరింది.
