Mahatma Gandhi: జాతిపిత మహాత్మా గాంధీ నూతన విగ్రహాన్ని అమెరికాలోని న్యూయార్క్ నగరంలో ఆవిష్కరించారు. శ్రీ తులసీ మందిర్‌ వెలుపల నూతనంగా ఈ విగ్రహాన్ని ఏర్పాటు చేశారు. ఈ విగ్రహాన్ని సిటీ మేయర్‌ ఎరిక్‌ ఆడమ్స్‌, న్యూయార్క్ చట్టసభ సభ్యురాలు జెన్నీఫర్‌ రాజ్‌కుమార్‌ ఆవిష్కరించారు. అయితే సౌత్‌ రిచ్‌మండ్స్‌ హిల్స్‌లో ఉన్న గాంధీ విగ్రహాన్ని 2022 ఆగస్టులో కొందరు దుండగులు ధ్వంసం చేశారు. దీంతో ఆ స్థానంలో కొత్త విగ్రహాన్ని ఏర్పాటు చేయాలని అధికారులు భావించారు. ఇందులో భాగంగానే గాంధీ నూతన విగ్రహాన్ని ఏర్పాటు చేసి తాజాగా ఆవిష్కరించినట్లు మేయర్‌ ఎరిక్‌ తెలిపారు. తమ నగరంలో ద్వేషానికి తావు లేదని అందుకే జాతిపిత విగ్రహావిష్కరణ చేశామని తెలిపారు.
ఇది కూడా చూడండి: Deepak Chahar: ధోనీ వల్లే అది సాధ్యమైంది
