పెరిగిన పాన్ ఇండియా అంచనాలకు తగ్గట్టుగా స్క్రిప్టు కోసం చాలా సమయం తీసుకున్నాడు సుకుమార్. దాదాపు 350 కోట్ల భారీ బడ్జెట్‌తో పుష్ప2ని గ్రాండ్‌గా ప్లాన్ చేస్తున్నాడు. మరి ప్రస్తుతం పుష్పరాజ్ ఏం చేస్తున్నాడు? అంటే, విలన్లకు చుక్కలు చూపిస్తున్నట్టు తెలుస్తోంది. ముఖ్యంగా మన షెకావత్ సార్‌కు చెమటలు పట్టిస్తున్నాడట. పుష్ప2 లేటెస్ట్ షెడ్యూల్‌ హైదరాబాద్ రామోజీ ఫిలింసిటీలో వేసిన భారీ సెట్‌లో షూటింగ్ జరుగుతున్నట్టు సమాచారం. పుష్పరాజ్ ఎర్రచందనం దుంగలను ఓ ప్రాంతం నుంచి మ‌రో ప్రాంతానికి త‌ర‌లించే ప‌నిలో ఉంటే..షెకావత్ సార్ పుప్ప‌రాజ్‌ని ప‌ట్టుకునే ప‌నిలో ఉన్నాడట.
చదవండి: Megastar Chiranjeevi: ‘భోళాశంకర్’ దెబ్బకు భారీ నష్టం?
అడవి నుంచి తీసుకొచ్చిన ఎర్ర చందనం దుంగలను ఓ కొండలా పేర్చిన ప్ర‌త్యేక సెట్‌లో ఈ యాక్షన్‌ సన్నివేశాలను చిత్రీకరిస్తున్నారట. పుష్ప పార్ట్ వన్‌లో ఇంటర్వెల్ బ్యాంగ్‌లో పోలీసులకు దొరక్కుండా.. దుంగలను నదిలో పడేసి గూస్ బంప్స్ తెప్పించాడు పుష్పరాజ్. దీంతో ఈసారి అంతకుమించిన స్కెచ్చులు వేస్తున్నారట బన్నీ, సుకుమార్. పుష్పరాజ్ దెబ్బకు పాన్ ఇండియా బాక్సాఫీస్ బద్దలవడం పక్కా అంటున్నారు. ఖచ్చితంగా పుష్ప2 వెయ్యి కోట్లు రాబడుతుందని లెక్కలు వేస్తున్నారు.
చదవండి: Raviteja: ‘టైగర్ నాగేశ్వరరావు’ టీజర్ రిలీజ్.. రవితేజ ఊచకోత
ఇక ఇప్ప‌టివ‌ర‌కూ మొత్తం 40 శాతం షూటింగ్ పూర్త‌యినట్టు తెలుస్తోంది. వీలైనంత త్వరగా షూటింగ్ కంప్లీట్ చేసి.. వచ్చే సమ్మర్‌ కానుకగా ఏప్రిల్‌లో రిలీజ్‌కు ప్లాన్ చేస్తున్నట్టు తెలుస్తోంది. ఇక నేషనల్ క్రష్ రష్మిక మందన్న హీరోయిన్‌గా నటిస్తున్న ఈ సినిమాలో.. మళయాళ స్టార్ హీరో ఫహద్ ఫాజిల్ విలన్‌గా నటిస్తున్నాడు. దేవిశ్రీ ప్రసాద్ సంగీతం అందిస్తున్నాడు. సునీల్, అనసూయ, రావు రమేష్‌తో పాటు పలువురు నటిస్తున్నారు.
