టెక్నాలజీ (Technology)ని ఉపయోగించి సైబర్ నేరాలు (Cyber crimes) పెరిగిపోతున్నాయి. ఇప్పటి వరకూ కోటానుకోట్ల వరకూ కుంభకోణం (Scams) జరిగింది. తాజాగా మరో రూ.854 కోట్ల సైబర్ స్కామ్ (Cyber Scam)ను బెంగళూరు పోలీసులు గుర్తించారు. ఈ కేసు విచారణలో పోలీసులు విలువైన విషయాలను రాబట్టారు. ఆరుగుర్ని అదుపులోకి తీసుకుని విచారిస్తున్నారు. దేశవ్యాప్తంగా ఈ సైబర్ గ్యాంగ్ చాలా మందిని మోసం చేసినట్లుగా గుర్తించారు. ఇన్వెస్ట్‌మెంట్ స్కీమ్ (Investment Scheme) పేరుతో ఈ స్కామ్ జరిగింది.
చదవండి: ACB Raids: తహసీల్దార్ ఇంట్లో సోదాలు..రూ.2 కోట్ల క్యాష్ లభ్యం
సైబర్ నేరాళ్ల నుంచి రూ.5 కోట్ల నగదును పోలీసులు సీజ్ చేశారు. టెలిగ్రామ్, వాట్సాప్ ద్వారా ఈ స్కామ్ జరిగిందని పోలీసులు గుర్తించారు. మొదట్లో చిన్న మొత్తంలో ఇన్వెస్ట్ చేయాలని సైబర్ నేరగాళ్లు బాధితుల్ని ఆశ్రయించేవారు. ఆ తర్వాత వెయ్యి నుంచి పది వేల వరకూ జమ చేస్తే, ప్రతి రోజూ ఆ అమౌంట్‌పై రూ.5 వేల వరకూ లాభం పొందొచ్చని ఆశ చూపేవారు. అలా ఆ సైబర్ గ్యాంగ్ అనేక మందిని మోసం చేసి వారి నుంచి డబ్బును ఇన్వెస్ట్ చేయించారు.
చదవండి: Kidnap : సికింద్రాబాద్‌ రైల్వే స్టేషన్‌లో బాలుడు కిడ్నాప్‌..సీసీ ఫుటేజీ వైరల్
సుమారు రూ.854 కోట్ల మొత్తాన్ని ఆన్‌లైన్ పేమెంట్ (Online Payment) అకౌంట్లకు నిందితులు ట్రాన్స్‌ఫర్ చేశారు. బినాన్సి క్రిప్టో, పేమెంట్ గేట్‌వే, గేమింగ్ యాప్‌ల ద్వారా ఆ డబ్బులను ఇతర అకౌంట్లకు మళ్లించినట్లుగా పోలీసులు గుర్తించారు. సైబర్ నేరగాళ్ల (Cyber criminals) నుంచి సుమారు రూ.5 కోట్లను స్వాధీనం చేసుకున్నారు. ఇతర అకౌంట్లలో వారు దాచుకున్న డబ్బును ఫ్రీజ్ చేసినట్లుగా సైబర్ పోలీసులు తెలిపారు.
చదవండి: Massive blast: 34 మంది మృతి, 130 మందికి గాయాలు
సులభంగా డబ్బులు సంపాదించాలనే ప్రక్రియలో ఇలా చాలా మంది మోసపోతున్నారని, ఆన్‌లైన్ ద్వారా ఇలా డబ్బులు పొందడం కోసం సైబర్ నేరగాళ్ల ఉచ్చులో పడొద్దని ఈ సందర్భంగా పోలీసులు వెల్లడించారు. గతంలో లోన్ యాప్‌ల (Loan Apps) ద్వారా అత్యధిక మోసాలు జరిగాయని, ఇప్పడు వాట్సాప్, టెలిగ్రామ్ ద్వారా ఇలాంటి మోసాలు జరుగుతున్నాయని, వాటిని అరికట్టేందుకు ప్రయత్నిస్తున్నట్లు పోలీసులు తెలిపారు.
