munneru vagu Three people died after going swimming in NTR district
ఏపీలోని ఎన్టీఆర్ జిల్లా(NTR district) కంచికచెర్ల మండలం కీసర మున్నేరు వాగు(munneru vagu)లో ఈతకు వెళ్లిన యువకుల్లో ముగ్గురు మృత్యువాత చెందారు. ఈ ఘటనలో మొత్తం ఎనిమిది మంది వ్యక్తులు ఈతకు వెళ్లగా వారిలో ఐదురుగు గల్లంతయ్యారు. వారిలో ముగ్గురు నీటిలో మునిగి మృతి చెందినట్లు నందిగామ ఏసీపీ తెలిపారు. మరో ఇద్దరి పరిస్థితి విషమంగా ఉండటంతో వారిని నందిగామ ఏరియా ప్రభుత్వ ఆసుపత్రిలో చేర్పించారు. అయితే మృతి చెందిన వారంతా ఐతవరం గ్రామానికి చెందిన యువకులుగా పోలీసులు గుర్తించారు.
అయితే పలు జాబ్స్, చదువుల కోసం వివిధ ప్రాంతాలకు వెళ్లిన వీరు దీపావళి పండుగ సందర్భంగా వారి సొంత గ్రామానికి వచ్చారు. ఆ క్రమంలోనే 8 మంది స్నేహితులు ఏకమై సరదాగా ఈత కోసం వెళ్లారు. ఆ క్రమంలో వారు నీటిలో మునిగిపోతుండటం చూసిన స్థానికులు వారిని కాపాడే ప్రయత్నం చేశారు. నీటిలో మునిగిపోతున్న ముగ్గురిని బయటకు తీసుకొచ్చారు. వారిలో ఇద్దరు ఘటనా స్థలంలోనే మృత్యువాత చెందగా..ఓ వ్యక్తి ఆస్పత్రిలో చికిత్స పొందుతూ మరణించారు. ఇక మృతి(died) చెందిన వారిలో చేజర్ల దినేష్, ఎడవల్లి గణేష్, గాలి సంతోష్ కుమార్ గా గుర్తించారు. ఈ నేపథ్యంలో మృతి చెందిన కుటుంబాల్లో ఘోర విషాదం చోటుచేసుకుంది.
ఇది కూడా చూడండి: Man: మద్యం ఇవ్వలేదని వైన్ షాపునకు నిప్పు.. ఎక్కడంటే..?
