Actor Darshan Manager Found Dead : నటుడు, కన్నడ హీరో దర్శన్ మరింత చిక్కుల్లోకి వెళుతున్నారు. ఈ మధ్య కాలంలో ఓ అభిమాని హత్య కేసులో దర్శన్(DARSHAN) అరెస్టైన విషయం తెలిసిందే. ఇప్పుడు ఆయన దగ్గర పని చేస్తున్న మేనేజర్‌ ఆత్మహత్యకు పాల్పడ్డారు. దీంతో ఇది దర్శన్‌కు మరింత తలనొప్పులు తెచ్చి పెట్టే అంశంగా మారింది. ఆయన దగ్గర శ్రీధర్‌ అనే వ్యక్తి మేనేజర్‌గా పని చేస్తున్నారు. బెంగుళూరులోని(Bengaluru) దర్శన్‌కి చెందిన ఫాం హౌస్‌లో(farmhouse) శ్రీధర్‌ ఆత్మహత్యకు పాల్పడ్డారు.
చదవండి : ఈ పండ్లు.. మిమ్మల్ని యవ్వనంగా ఉంచుతాయి..!
మేనేజర్‌(MANAGER) మృత దేహంతో పాటు అక్కడ ఓ వీడియో సందేశం, సూసైడ్‌ నోట్‌ సైతం పోలీసులకు లభ్యం అయ్యాయి. తానను ఒంటరితనం వేధిస్తోందని, అందువల్లనే చనిపోవాలని అనుకుంటున్నానని శ్రీధర్‌ ఆ నోట్‌లో రాసుకొచ్చారు. తన చావుకు ఎవరూ కారణం కాదని అందులో పొందు పరిచారు.
చదవండి : ముందుకు కాకుండా వెనక్కి నడిస్తే.. బరువు తగ్గుతారా..?
ఈ ఘటనపై కేసు నమోదు చేసిన పోలీసులు దీనిపై దర్యాప్తును వేగవంతం చేశారు. దర్శన్‌కు పెళ్లైనప్పటికీ నటి పవిత్రా గౌడ్ తో పదేళ్లుగా సహజీవనంలో ఉన్నారని వార్తలు వెలువడుతున్నాయి. దర్శన్ భార్య విజయ లక్షి, పవిత్ర గౌడ్‌ల మధ్య ఈ విషయంలో గొడవలు జరుగుతున్నాయని తెలుస్తోంది. దీంతో దర్శన్‌కు వీరాభిమాని అయిన రేణుకా స్వామి(28) అనే వ్యక్తి తన అభిమాన హీరో ఇంట గొడవలకు పవిత్ర గౌడ్ కారణం అయ్యిందని కోపం పెంచుకున్నాడు. ఇన్‌స్టాగ్రాంలో పవిత్రకు అసభ్యకర సందేశాలు పంపేవాడు. సామాజిక మాధ్యమాల్లో పబ్లిక్‌ దూషిస్తూ వ్యాఖ్యలు చేసేవాడు. దీంతో దర్శన్ కొంత మంది వ్యక్తుల సాయంతో రేణుకా స్వామిని హత్య చేయించినట్లు వార్తలు వస్తున్నాయి. ఈ కేసులోనే రెండు వారాల క్రితం దర్శన్‌ని పోలీసులు అరెస్టు చేశారు.
