నేడు(మార్చి 28న) ఆకాశంలో అరుదైన దృగ్విషయాన్ని(rare sight) చూసేందుకు సిద్ధంగా ఉండండి. ఎందుకంటే ఇలాంటి అవకాశం మిస్ అయితే మళ్లీ 17 సంవత్సరాల తర్వాత 2040లో మాత్రమే ఈ ఖగోళ సంయోగం వస్తుంది. కాబట్టి ఈ అద్భుతమైన దృశ్యాన్ని చూసేందుకు సిద్ధమవ్వండి. అయితే ఈరోజు సూర్యాస్తమయం తర్వాత ఐదు గ్రహాలు(5 planets) అరుదైన అమరికలోకి కూటమిగా కలిసి వస్తాయి. ఈరోజు సూర్యాస్తమయం 6:36 PM తర్వాత ఆ దృశ్యం ఏర్పడే అవకాశం ఉందని నిపుణులు పేర్కొన్నారు.
ఆ గ్రహాల అమరికను గుర్తించడానికి, మీరు బహిరంగ ప్రదేశంలోకి వచ్చిన తర్వాత పశ్చిమం వైపు చూడాలని సూచించారు. అయితే అరగంట తర్వాత ఆ అరుదైన దృశ్యం వెళ్లిపోయే అవకాశం ఉందని, రాత్రి సమయంలో గుర్తించడం కష్టంగా ఉంటుందని చెప్పారు.
గ్రహాల సంయోగం మొత్తం ఐదు గ్రహాలను స్పష్టంగా గుర్తించడానికి ఉత్సాహంగా ఉన్నవారు, అరుదైన గ్రహ దృగ్విషయాన్ని చూసేందుకు ఒక జత బైనాక్యులర్‌ సాయాంతో చూడాలని నిపుణులు సూచించారు. మరోవైపు బైనాక్యులర్లు లేని వారు చింతించాల్సిన అవసరం లేదన్నారు. అంగారక గ్రహం, శుక్రుడు, బృహస్పతి కంటితో కనిపిస్తాయి. సాధారణ స్కైవాచర్లు కూడా రాత్రి ఆకాశంలో ప్రకాశిస్తున్న మూడు గ్రహాలను చూసి ఆనందించవచ్చని వెల్లడించారు.
చదవండి: UNESCO: ప్రపంచంలో అత్యంత అద్భుత సంతకానికి యునెస్కో గుర్తింపు..క్లారిటీ
ఐదు గ్రహాలలో వీనస్ ప్రకాశవంతంగా ప్రకాశిస్తుంది, కంటితో గుర్తించబడుతుంది. బృహస్పతి కూడా ప్రకాశవంతంగా కనిపిస్తుంది. రాత్రి ఆకాశంలో గుర్తించడం సులభం అవుతుంది. యురేనస్, మెర్క్యురీ గుర్తించడానికి కొంచెం తక్కువ సౌకర్యవంతంగా ఉంటాయి. అంగారక గ్రహం ఆకాశంలోని ఇతర గ్రహాల కంటే ఎత్తులో ఉంటుంది.
సూర్యాస్తమయం తర్వాత ఐదు గ్రహాలు అరుదైన అమరికలో కలిసి వస్తాయని వెల్లడించారు. వాటిలో బృహస్పతితో ప్రారంభమయ్యే హోరిజోన్ నుంచి వరుసలో ఉంటాయని పేర్కొన్నారు. దీని తరువాత శుక్రుడు, యురేనస్, చంద్రుడు, అంగారక గ్రహాలు పైకి వెళ్తాయని తెలిపారు. ఆ క్రమంలో గ్రహాలు ఆకాశంలో ఐక్యంగా ఉన్నట్లు కనిపిస్తాయని చెప్పారు.
చదవండి: UNESCO: ప్రపంచంలో అత్యంత అద్భుత సంతకానికి యునెస్కో గుర్తింపు..క్లారిటీ
