ప్రకాశం: జిల్లా యర్రగొండపాలెం నియోజకవర్గంలో సోమవారం చిన్న కారణాలకే ఇద్దరు వ్యక్తులు ఆత్మహత్య చేసుకున్నారు. గొల్లవిడిపి గ్రామంలో భార్య చికెన్ వండలేదని భర్త లక్ష్మీనారాయణ ఉరి వేసుకుని ఆత్మహత్యకు పాల్పడ్డాడు. పాలుట్ల గ్రామంలో, బిందెతో తమ్ముడిని నీళ్లు తీసుకురావాలని సోదరి చెప్పగా, అందుకు తమ్ముడు నిరాకరించడంతో సోదరి మందు తాగి ఆత్మహత్యకు పాల్పడింది.
