కడప: పులివెందుల పట్టణంలోని స్థానిక భాకరాపురంలో ఉన్న నివాసంలో ఎంపీ వైఎస్ అవినాశ్ రెడ్డి ఆదివారం యువ ఉత్సవ్-2024 పోస్టర్లను నెహ్రూ యువ కేంద్ర జిల్లా అధికారి మణికంఠతో కలిసి ఆవిష్కరించారు. ఈ సందర్భంగా ఎంపీ మాట్లాడుతూ.. ఈ ఉత్సవాల్లో జిల్లాలోని యువత పాల్గొని జిల్లా ఖ్యాతిని జాతీయ స్థాయికి తీసుకెళ్లాలని ఆకాంక్షించారు. ఈ పోటీల గురించి ఎంపీకి మణికంఠ వివరించారు.
