అనంతపురం: అనుమతి లేకుండా అక్రమంగా ఇసుక తరలిస్తున్న ఓ ట్రాక్టర్ను తాడిపత్రి పోలీసులు శుక్రవారం సీజ్ చేశారు. పట్టణంలోని నూతన పెన్నా బ్రిడ్జి వద్ద నుంచి ఇసుకను తరలిస్తున్న ట్రాక్టర్ను ఆపి పోలీసులు తనిఖీ చేశారు. ఎటువంటి అనుమతి లేకపోవడంతో డ్రైవర్ కడవల రవీంద్రను అదుపులోకి తీసుకుని, ట్రాక్టర్ సీజ్ చేసి కేసు నమోదు చేసినట్లు అర్బన్ సీఐ సాయి ప్రసాద్ తెలిపారు.
