టాలీవుడ్‌(Tollywood)లో చిన్న సినిమాలకు ఆదరణ పెరుగుతోంది. మంచి కంటెంట్‌తో వచ్చే సినిమాలను ప్రేక్షకులు ఆదరిస్తూ విజయాన్ని అందిస్తున్నారు. తాజాగా తెలంగాణ(Telangana) మట్టి వాసన, పల్లె పరిమళంతో బలగం(Balagam) సినిమా థియేటర్లలో విడుదలైంది. ఈ సినిమాకు మొదటి నుంచి మంచి ఆదరణ లభిస్తోంది. దర్శకుడు వేణు(Director Venu) తెలంగాణ ప్రజల ఆత్మకు తెరరూపం ఇచ్చారనే ప్రశంసలు దక్కాయి. చిన్న సినిమాగా విడుదలై కలెక్షన్ల పరంగా మంచి విజయాన్ని(Hit) అందుకుంది.
చదవండి: Ranga Marthanda Movie Review: రంగ మార్తాండ మూవీ రివ్యూ
జబర్దస్త్ కమెడియన్ వేణు(Venu) డైరెక్టర్ గా మారి తీసిన మొదటి సినిమా బలగం(Balagam). కథనంలో కొత్తదనం ఉందని విమర్శకులు సైతం ప్రశంసలు అందిస్తున్నారు. థియేటర్లలో విడుదలైన ఈ సినిమా తాజాగా ఓటీటీ(OTT)లో రిలీజ్ అవ్వడానికి సిద్ధమైంది. అమెజాన్ ప్రైమ్(Amazon Prime) వీడియోతో పాటుగా సింప్లీ సౌత్ ఓటీటీ(OTT) ఫ్లాట్ ఫామ్స్ లో మార్చి 24 నుంచి ఈ సినిమా స్ట్రీమింగ్ కానుంది.
చదవండి: KGF Hero Yash: పెప్సీ యాడ్‌లో అదరగొట్టిన రాఖీ భాయ్
బలగం(Balagam) సినిమాలో ప్రియదర్శి, కావ్య కళ్యాణ్ రామ్, సుధాకర్ రెడ్డి, మురళీధర్ గౌడ్ వంటివారు ముఖ్య పాత్రలు పోషించారు. ఈ సినిమా విడుదలై 20 రోజులు పూర్తి చేసుకుంది. ఇప్పటి వరకూ రూ.20.5 కోట్లకు పైగా గ్రాస్ ను వసూలు చేసింది. ఈ మూవీకి 2.2 కోట్లలోపు బడ్జెట్ మాత్రమే పెట్టారు. నిర్మాత దిల్ రాజు(Dil Raju)కు ఈ సినిమా కాసుల వర్షం కురిపించింది. తెలంగాణ(Telangana) కల్చర్ కు ఈ మూవీలో ప్రాముఖ్యత ఇవ్వడంతో అందరూ ఈ సినిమాను ఆదరించి సక్సెస్(Success)ను అందించారు.
