Mumbai Airport : ముంబై ఎయిర్‌పోర్ట్‌లోని రన్‌వేపై ప్రయాణికులను కూర్చోబెట్టి వారికి ఆహారం అందించడంతో ఇండిగో చిక్కుల్లో పడింది. ఈ విషయంలో పౌర విమానయాన మంత్రిత్వ శాఖ ఇండిగో, ముంబై ఎయిర్‌పోర్ట్‌లకు నోటీసులు జారీ చేసింది. ఈ మొత్తం వ్యవహారంపై సమాధానాలు కోరింది. గోవా నుండి ఢిల్లీకి వెళ్లే ఇండిగో విమానం 12 గంటల ఆలస్యం తర్వాత ముంబై వైపు మళ్లించబడింది, ఆ తర్వాత ప్రయాణికులు చాలా ఇబ్బందులు ఎదుర్కొన్నారు. రన్‌వేపైనే కూర్చోని ఆహారం తినవలసి వచ్చింది. దీనికి సంబంధించిన అనేక వీడియోలు సోషల్ మీడియాలో వైరల్ అయ్యాయి. అందులో ఒకదానిలో ప్రయాణీకులు రన్‌వేపై నేలపై కూర్చొని తినడం చూపించారు. వైరల్ అయిన వీడియోలో కొంతమంది ప్రయాణికులు ఆహారం తినడం కనిపించింది. ఈ వీడియో వైరల్ కావడంతో పౌర విమానయాన మంత్రిత్వ శాఖ ఈ చర్య తీసుకుంది.
చదవండి:Israel Hamas War : ఇరాక్‌లోని యుఎస్ కాన్సులేట్ సమీపంలో పేలుళ్లు.. నలుగురి మృతి
అయితే ఈ ఘటనపై ఇండిగో కూడా ప్రయాణికులకు క్షమాపణలు చెప్పింది. ఇండిగో జనవరి 14 న గోవా నుండి ఢిల్లీకి ఇండిగో ఫ్లైట్ 6E2195 కు సంబంధించిన సంఘటన గురించి తెలిసిందని ఇండిగో తెలిపింది. ఢిల్లీలో విజిబిలిటీ తక్కువగా ఉండటంతో విమానాన్ని ముంబైకి మళ్లించారు. ఇండిగో తన కస్టమర్లకు క్షమాపణలు చెప్పింది. ప్రస్తుతం కంపెనీ ఈ సంఘటనపై దర్యాప్తు చేస్తోంది. పొగమంచు కారణంగా సంభవించే ఆలస్యం గురించి ప్రయాణీకులకు ఖచ్చితమైన సమాచారం ఇవ్వాలని DGCA కోరింది. అలాగే, విమానాల ఆలస్యం గురించి ఎయిర్‌లైన్స్ కంపెనీలు విమానాశ్రయాల వద్ద వేచి ఉన్న ప్రయాణికులను అప్‌డేట్ చేస్తూ ఉండాలని DGCA తెలిపింది.
చదవండి:Tammeneni Veerabhadram: తమ్మెనేని వీరభద్రంకు గుండెపోటు.. హైదరాబాద్‌కు తరలింపు
