Defense Ministry : రక్షణ రంగంలో స్వావలంబనకు కేంద్ర ప్రభుత్వం పెద్దపీట వేయనుంది. రెండు మెగా కంబాట్ ఫైటర్ విమానాలు, తేలికపాటి హెలికాప్టర్ డీల్ సహా దాదాపు రూ.2 లక్షల కోట్ల విలువైన ప్రాజెక్టులపై ప్రభుత్వం సమావేశం నిర్వహించినట్లు రక్షణ శాఖ తెలిపింది. ఈ సమావేశంలో అనేక ముఖ్యమైన నిర్ణయాలు తీసుకున్నారు. రక్షణ మంత్రి రాజ్‌నాథ్ సింగ్ నేతృత్వంలో జరిగిన అత్యున్నత స్థాయి డిఫెన్స్ అక్విజిషన్ కౌన్సిల్ సమావేశానికి త్రివిధ సైన్యాలకు చెందిన ఉన్నతాధికారులు హాజరయ్యారు. ఈ సమావేశం ఎజెండాలో చేర్చబడిన ప్రాజెక్ట్‌లలో 97 తేలికపాటి యుద్ధ విమానాలు మార్క్ 1A కొనుగోలు, భారత వైమానిక దళం ఉపయోగించే 84 ఎస్‌యూ-30ఎంకేఐ యుద్ధ విమానాలను మన దేశంలోనే అప్‌గ్రేడింగ్ చేయడానికి కూడా డీఏసీ పచ్చజెండా ఊపింది.
చదవండి:AP Public Holidays: 2024వ ఏడాది సెలవులు ప్రకటించిన ఏపీ.. హాలిడేస్ ఇవే
ఈ రెండు ప్రాజెక్టులను మేక్ ఇన్ ఇండియాగా అమలు చేసే యోచనలో ఉన్నట్లు విశ్వసనీయ వర్గాల సమాచారం. మేక్ ఇన్ ఇండియా కూడా భారత సైనిక పరిశ్రమకు భారీ ఎగుమతి అవకాశాలకు తలుపులు తెరుస్తుందని భావిస్తున్నారు. భారత సైన్యం కోసం 97 తేజస్ తేలికపాటి యుద్ధ విమానాలు, 156 ప్రచండ్ అటాక్ హెలికాప్టర్ల కొనుగోలుకు రక్షణ శాఖకు చెందిన డిఫెన్స్ అక్విజిషన్ కౌన్సిల్ (డీఏసీ) అనుమతి మంజూరు చేసింది. అంతే కాకుండా 400 టవర్ ఆర్టిలరీ గన్ సిస్టమ్‌లను కొనుగోలు ఒప్పందం కుదిరింది. దీని ధర దాదాపు రూ.6,500 కోట్లు. అంతేకాకుండా సమావేశంలో చర్చ కోసం భారత సైన్యం వద్ద అసాల్ట్ రైఫిల్స్, సాయుధ వ్యక్తిగత వాహకాల కొనుగోలుకు సంబంధించిన ప్రతిపాదనలు కూడా ఉన్నాయి.
చదవండి: C-PAC ఎగ్జిట్ పోల్స్‌లో కాంగ్రెస్‌కే పట్టం
