peddha kapu part 1 movie ott streaming date fix
‘కొత్త బంగారు లోకం’ సినిమాతో మంచి విజయాన్ని అందుకున్న శ్రీకాంత్ అడ్డాల..ఆ తర్వాత ‘సీతమ్మ వాకిట్లో’ సిరిమల్లె చెట్టు అంటూ.. మహేష్‌ బాబు, వెంకటేష్‌లతో కలిసి మల్టీస్టారర్‌ మూవీ చేశాడు. ఆ తర్వాత మెగా హీరోని గ్రాండ్‌గా లాంచ్ చేశాడు. మెగా బ్రదర్ నాగబాబు కొడుకు వరుణ్‌ తేజ్‌ని ‘ముకుంద’ సినిమాతో హీరోగా ఇంట్రడ్యూస్ చేశాడు. కానీ సినిమా రిజల్ట్ కాస్త తేడా కొట్టింది. ఇక ఆ తర్వాత మహేష్‌ బాబు మరో ఛాన్స్ ఇచ్చిన కూడా.. ‘బ్రహ్మోత్సవం’ సినిమాతో డిజాస్టర్ ఇచ్చాడు. అప్పటి నుంచి శ్రీకాంత్ అడ్డాల మళ్లీ కోలుకోలేదు. అయితే వెంకటేష్‌తో కలిసి తమిళ్ ‘అసురన్’ మూవీని తెలుగులో ‘నారప్ప’గా రీమేక్ చేశాడు. కానీ ఈ సినిమా ఓటిటికే పరిమితమైంది.
ఇక రీసెంట్‌గా వచ్చిన పెదాకాపు కూడా సోసోగానే నిలిచింది. విరాట్ కర్ణ, ప్రగతి శ్రీవాస్తవ జంటగా నటించిన ఈ పెదకాపు పార్ట్ 1(peddha kapu part 1) సెప్టెంబర్ 29న స్కంద సినిమాకు పోటీగా థియేటర్లోకి వచ్చింది. అయితే నెల రోజులు తిరగకుండానే ఓటిటి(OTT)లోకి వచ్చేసింది ఈ సినిమా. ప్రస్తుతం ఈ మూవీ అమెజాన్ ప్రైమ్ వీడియోలో స్ట్రీమ్ అవుతోంది.శుక్రవారం అంటే, అక్టోబర్ 27 నుంచి డిజిటల్ స్ట్రీమింగ్ అవుతోంది పెదకాపు. ఇక ద్వారకా క్రియేషన్స్ బ్యానర్ పై మిర్యాల రవీందర్ రెడ్డి ఈ సినిమాను నిర్మించాడు. మిక్కీ జే మేయర్ మ్యూజిక్ అందించాడు. రావు రమేష్, రాజీవ్ కనకాల, అనసూయ భరద్వాజ్ ముఖ్య పాత్రలు పోషించారు. అలాగే..డైరెక్టర్ శ్రీకాంత్ అడ్డాల ఈ సినిమాలో విలన్‌గా నటించాడు. కానీ ఈ సినిమా మిక్స్డ్ టాక్‌తోనే సరిపెట్టుకుని..ఫ్లాప్ ను మూటకట్టుకుంది.
ఇది కూడా చూడండి: Animal: రష్మిక కాళ్లు పట్టుకున్న బాలీవుడ్ హీరో..’యానిమల్’ నుంచి క్రేజీ అప్డేట్
