Husband has no right over wife's gifts: High Court landmark judgment
High Court landmark judgment: భారతీయ సంప్రదాయంలో వివాహం లేదా ఇతర శుభ సందర్భాలో బంధువులు లేదా వారి స్నేహితులు ఇచ్చే బహుమతులపై స్త్రీలకు పూర్తి హక్కు ఉంటుంది. అలాంటి బహుమతిని పొందే హక్కు భర్తకు లేదా అతని కుటుంబానికి లేదని హైకోర్టు మహిళలకు అనుకూలంగా కీలక తీర్పు ఇచ్చింది.
వివాహాలు, ఇతర శుభకార్యాలతో సహా అన్ని కులాలు, మతాలలో బహుమతులు ఇవ్వడం సాధారణం. ఆ బహుమతులు చిన్నవి లేదా ఖరీదైనవి కావచ్చు. గిప్ట్ స్వీకరించిన వస్తువులపై భార్యాభర్తలిద్దరికీ అధికారం ఉంటుందని అనుకున్నాం. వివాహం లేదా ఇతర సందర్భాల్లో భార్య స్వీకరించే బహుమతులు పూర్తిగా ఆమెదేనని ఛత్తీస్‌గఢ్ హైకోర్టు కీలక తీర్పునిచ్చింది.
మహిళలు అనేక సందర్భాలలో పలు రకాల బహుమతులు అందుకుంటారు. వివాహానికి ముందు లేదా తర్వాత స్త్రీలు ఖచ్చితంగా పొందుతారు. ఆ విధంగా స్త్రీధాన్ (బహుమతి) కేసులో ఛత్తీస్‌గఢ్ హైకోర్టు తాజాగా కీలక నిర్ణయం తీసుకుంది. వివాహానికి ముందు లేదా తర్వాత స్త్రీకి బహుమతిగా ఇచ్చిన ఆస్తి, ఆమె స్వంతం. తన సంతోషం కోసం ఖర్చు చేసే హక్కు ఉంది. దానిపై భర్తకు ఎలాంటి హక్కు లేదని ఆదేశించింది.
చదవండి: Nitin Gadkari : డీజిల్ వాహ‌నాదారులకు కేంద్రం షాక్.. 10% పొల్యూషన్‌ ట్యాక్స్‌
అంబికాపూర్ ఫ్యామిలీ కోర్టులో విడాకుల కేసు దాఖలైంది. పెళ్లయిన కొన్నాళ్లకే భార్యాభర్తలిద్దరూ విడాకులు తీసుకున్నారు. భర్త ఇంటి నుంచి తనకు బహుమతిగా వచ్చిన ఆస్తి, వస్తువులను తిరిగి ఇవ్వాలని మహిళ కోరింది. దీన్ని తిరస్కరించిన ఫ్యామిలీ కోర్టు భర్తకు అనుకూలంగా తీర్పునిస్తూ ఉత్తర్వులు జారీ చేసింది.
డిసెంబర్ 2021లో ఈ నిర్ణయానికి వ్యతిరేకంగా మహిళ హైకోర్టును ఆశ్రయించింది. ఈ పిటిషన్‌ను విచారించిన హైకోర్టు ముగ్గురు న్యాయమూర్తుల బెంచ్, ఫ్యామిలీ కోర్టు తీర్పును పక్కన పెట్టింది. భార్య అందుకున్న బహుమతిపై భర్తకు హక్కు లేదని మహిళలకు అనుకూలంగా ఒక ముఖ్యమైన నిర్ణయాన్ని జారీ చేసింది. మహిళ అందుకున్న బహుమతులు మరియు వస్తువులను స్వీకరించే హక్కు ఆమెకు మాత్రమే ఉందని త్రిసభ్య ధర్మాసనం స్పష్టంచేసింది.
