తెలుగు రాష్ట్రాల్లో రెండ్రోజుల పాటు వర్షాలు కురిసే అవకాశం ఉందని వాతావరణశాఖ వెల్లడించింది. తేలికపాటి నుంచి మోస్తరు వర్షాలు పడతాయని తెలిపింది. ఏపీలోని బాపట్ల, పల్నాడు, ప్రకాశం, నెల్లూరు, కర్నూలు, నంద్యాల, అన్నమయ్య, తిరుపతి, చిత్తూరు జిల్లాలకు వర్ష సూచన ఉన్నట్లు పేర్కొంది. అలాగే, తెలంగాణలోని పలు జిల్లాలో మోస్తరు వర్షాలు పడే అవకాశం ఉందని తెలిపింది. ఉరుములు, మెరుపులతో కూడిన వర్షాలు పడే అవకాశాలున్నాయని వెల్లడించింది.
