New car Damaged after Puja : కొత్త కారు(New Car) కొనుక్కున్న ఆనందం కొన్ని గంటలైనా నిలవలేదు. గుడి దగ్గర పూజ పూర్తయిన తర్వాత కారులో కూర్చున్న వ్యక్తి ఆ కారును కాస్త ముందుకు జరపబోయాడు. తర్వాత బ్రేక్‌ బదులు పొరపాటున యాక్సలేటర్‌ని ఒత్తేయడంతో అది నేరుగా గుడిలో ఉన్న స్తంభానికి గుద్దుకుని అక్కడే ద్వంసం అయ్యింది. ఈ ఘటన తమిళనాడులోని కడలూరు జిల్లాలో చోటు చేసుకుంది.
చదవండి : మళ్లీ రూ.75 వేలు దాటిన బంగారం ధర!
స్తంభాన్ని గుద్దుకోవడంతో కారు ముందు భాగం అంతా బాగా పాడైపోయింది. అయితే ఈ ఘటనలో కారు నడుపుతున్న యజమాని మాత్రం సురక్షితంగా బయటపడ్డాడు. ఈ ఘటన అంతా ఆలయంలో ఏర్పాటు చేసిన సీసీ టీవీలో రికార్డు అయ్యింది. ఈ క్లిప్‌ బయటకు రావడంతో ఇప్పుడు సోషల్‌ మీడియాల్లో, నెట్టింట్‌లో ఇది వైరల్‌గా మారింది.
చదవండి : పవన్‌ కళ్యాణ్‌కు మద్దతిస్తూ మరో పక్క వైసీపీ ప్రచారంలో అల్లు అర్జున్‌!
ఈ కారును కొనుక్కున్న వ్యక్తి పేరు సుధాకర్‌. కారును కొనుక్కుని దాన్ని తీసుకుని అక్కడి శ్రీముష్ణం ప్రాంతంలో ఉన్న ఆలయానికి(Temple) వచ్చాడు. పూల దండతో ఉన్న కారు మొదటి రైడ్‌లోనే ఇలా జరగడంతో యజమాని నిరాశకు గురయ్యాడు. ఈ ఘటన తర్వాత కారును పోలీస్‌ స్టేషన్‌కు తరలించారు. కేసు నమోదు చేసి పోలీసులు దర్యాప్తు చేస్తున్నారు.
A man inadvertently crashed his newly purchased car into a pillar-like structure after a blessing ceremony at a temple in the Srimushnam area of Cuddalore district. #car #temple #crash #puja #TamilNadu pic.twitter.com/zPPQVTmDdt
— IndiaToday (@IndiaToday) May 8, 2024
