Viral video
Viral Video: పండుగ వచ్చిందంటే చాలు.. ప్రతి గ్రామాల్లో సందడి వాతావరణం నెలకొంటుంది. గతేడాది కంటే ఈసారి ఏదైనా కొత్తగా చేయాలని అనుకుంటారు. ఈ నేపథ్యంలో కొందరు వేశధారణ వేస్తుంటారు. మరికొందరు అలాంటి బొమ్మలను పెడుతుంటారు. అయితే ఈసారి హనుమాన్ డ్రోన్ ప్రత్యేకంగా ఉండి అందరిని ఆకట్టుకుంటుంది. హనుమంతుడు ఆకాశంలో ఎగురుతున్నట్లు ఉన్న ఈ డ్రోన్ వీడియో ప్రస్తుతం సోషల్‌ మీడియాలో వైరల్ అవుతోంది. ఛత్తీస్‌గఢ్‌లోని అంబికాపూర్‌లోని మహామాయ ఆలయంలో దసరా సందర్భంగా భారీ ఊరేగింపు నిర్వహించారు. ఈ సందర్భంగా హనుమాన్ ఆకారంలో ఉన్న డ్రోన్ ఎగురవేశారు. జై హనుమాన్ అంటూ నినాదాలు చేశారు.
ఇది కూడా చూడండి: Mumbai: రిజిస్ట్రేషన్ అధికారి సస్పెండ్.. కారణం ఇదే?
హనుమంతుడు ఆకాశంలో ఎగురుతున్నట్లుగా ఉన్న ఈ డ్రోన్‌ను కొంతమంది వీడియో తీశారు. దీనిని సోషల్‌ మీడియాలో పోస్ట్ చేయడంతో ప్రస్తుతం అవి వైరల్ అయ్యాయి. అయితే హనుమంతుడి డ్రోన్ ఎగురవేయడం ఇది మొదటిసారి కాదు. ఉత్తరప్రదేశ్‌ రాజధాని లక్నోలో, పంజాబ్‌లోని లుధియానాలో కూడా హనుమాన్ డ్రోన్లను ఎగురవేశారు. వీటికి సంబంధించిన ఫోటోలు, వీడియోలు కూడా ప్రస్తుతం సోషల్‌ మీడియాలో వైరల్ అవుతున్నాయి.
View this post on Instagram
