Priyanka Gandhi said at mulugu We will give benefits to the unemployed and help poor women
Priyanka Gandhi:తెలంగాణలో ఎన్నికలకు మరో వారం రోజులు మాత్రమే ఉంది. దీంతో రాజకీయ పార్టీల నేతలు ప్రచారాన్ని ముమ్మరం చేశారు. ప్రధాన రాజకీయ నేతలంతా అన్ని నియోజకవర్గాల్లో పర్యటించేందుకు షెడ్యూల్‌లు వేసుకుని ప్రచారం చేస్తున్నారు. ఈ క్రమంలో కాంగ్రెస్ పార్టీ జాతీయ నాయకురాలు ప్రియాంక గాంధీ… ఎన్నికలకు ముందే మరోసారి తెలంగాణ రాష్ట్రంలో పర్యటించనున్నారు. రేపు, ఎల్లుండి ఎన్నికల ప్రచార సభల్లో పాల్గొంటారు. రేపు మధ్యాహ్నం 12:00 గంటలకు పాలకుర్తిలో ప్రియాంక గాంధీ ఎన్నికల ప్రచారం నిర్వహించనున్నారు. తర్వాత ఆమె 1:30 గంటలకు హుస్నాబాద్‌లో ప్రచారం చేస్తారు. తిరిగి మధ్యాహ్నం 3 గంటలకు కొత్తగూడెం ప్రచార సభలో ఆమె పాల్గొంటారు.
చదవండి:Sakshi: ధోనీతో సురేష్ రైనా… ఎక్స్ ప్రెషన్ వైరల్..!
ప్రియాంక గాంధీ రేపు రాత్రి.. ఖమ్మం చేరుకుని రాత్రికి ఆమె అక్కడే బస చేయనున్నారు. 25న ఉదయం 11:00 గంటలకు ఖమ్మం, పాలేరులో ప్రచారం నిర్వహిస్తారు. ఆ తర్వాత అక్కడి నుంచి సత్తుపల్లి చేరుకుంటారు. మధ్యాహ్నం 1:30 గంటలకు ఎన్నికల ప్రచారంలో పాల్గొంటారు. అనంతరం 2:40 నుంచి 3:30 వరకు ప్రియాంక గాంధీ 10మధిర ప్రచార సభలో పాల్గొంటారు. ప్రచార సభ అనంతరం విజయవాడ చేరుకుని గన్నవరం విమానాశ్రయం నుంచి ఢిల్లీ వెళతారు.
చదవండి:Teacher కీచకుడు.. మైనర్‌కు తాళి కట్టి, ఆపై లైంగికదాడి
