RR: నందిగామ మండల కేంద్రంలోని వీర్లపల్లి రోడ్డులోని శ్రీకృష్ణ పరిశ్రమ గోదాంలో ఇవాళ ఉదయం అగ్నిప్రమాదం సంభవించింది. కాటన్ నిల్వలకు మంటలు అంటుకోవడంతో భారీగా చెలరేగాయి. పోలీసులు, ఫైర్ సిబ్బంది సకాలంలో స్పందించి మంటలను అదుపు చేయడంతో ప్రాణాపాయం తప్పింది. ఎవరికీ గాయాలు కాలేదు. ప్రమాదానికి గల పూర్తి కారణాలు ఇంకా తెలియాల్సి ఉంది.
MDCL: లవర్లకు అడ్డగా ఉప్పల్ భగాయత్ రోడ్లు మారుతున్నాయి. సాయంత్రం అయితే చాలు, HYD నుంచి అనేక ప్రాంతాల నుంచి జంటలు తరలివచ్చి, నడిరోడ్డు పై అందరూ చూస్తుండగానే ఇష్టారాజ్యంగా వ్యవహరిస్తున్నారని, అటువైపు నుంచి వెళ్లే వాహనదారులకు ఇబ్బందులు కలుగుతున్నట్లు తెలిపారు. ఫేక్ రిలేషన్ వ్యక్తులు సైతం రాసలీలలు కొనసాగిస్తున్నారని, పెట్రోలింగ్ పెంచాలని అధికారులను కోరుతున్నారు.
నిజామాబాద్ మున్సిపల్ కార్పొరేషన్లో బీజేపీ పక్ష నేతలను నియామకం చేస్తూ ఎమ్మెల్యే ధన్పాల్ సూర్యనారాయణ ఉత్తర్వులు జారీ చేశారు. ఫ్లోర్ లీడర్గా వీరమనేని ప్రమోద్ కుమార్, డిప్యూటీ ఫ్లోర్ లీడర్గా జ్యోతి, ఫ్లోర్ సెక్రటరీగా పవన్ కుమార్, విప్ సునీత ఎంపికయ్యారు. నూతన బాధ్యతలు స్వీకరించిన వారికి ఎమ్మెల్యే శుభాకాంక్షలు తెలిపారు.
NRML: జిల్లా కేంద్రంలో ఇవాళ బంద్ ప్రశాంతంగా కొనసాగుతుంది. పట్టణంలోని ఆయా దుకాణ సముదాయాలు, వివిధ వ్యాపార సంస్థలు స్వచ్ఛందంగా మూసివేసి బందుకు మద్దతు తెలిపారు. దీంతో పట్టణం నిర్మానుష్యంగా మారింది. బీజేపీ నాయకులు ద్విచక్ర వాహనాలపై వెళ్తూ వ్యాపార సంస్థలను బందు చేయాలని కోరారు.
గద్వాల జిల్లాలో గత 20 రోజులుగా డిజిటల్ క్రాప్ సర్వే పకడ్బందీగా కొనసాగుతోంది. సాగు వివరాలను డిజిటలైజ్ చేసి వ్యవసాయంలో పారదర్శకత తీసుకురావడం లక్ష్యంగా అధికారులు ఈ ప్రక్రియ చేపట్టారు. రైతులు పత్తి, వరి, కంది, మిరప, వేరుశనగతో పాటు ఉద్యాన పంటలు సాగు చేస్తున్నారు. ఈ సర్వేతో సుమారు 1.30 లక్షల ఎకరాల్లో రైతులకు మేలు కలగనుంది.
KMM: వైరా పోలీస్ స్టేషన్ సమీపంలో ఆర్టీసీ బస్సు, లారీ ఢీకొన్న ఘటనలో 25 మంది ప్రయాణికులకు గాయాలయ్యాయి. రిక్షాపై నుంచి ఎత్తుపీటలు రోడ్డుపై పడటంతో ముందున్న కారు, లారీ ఒక్కసారిగా బ్రేక్ వేశాయి. దీంతో వెనుక వస్తున్న బస్సు వేగంగా లారీని ఢీకొట్టింది. ప్రమాద సమయంలో బస్సులో 40 మంది ప్రయాణికులు ఉన్నారు. క్షతగాత్రులను వెంటనే ఆసుపత్రికి తరలించారు.
BHPL: హైదరాబాద్ నగరంలోని నెక్లెస్ రోడ్ వద్ద ఉన్న నీరా కేఫ్ భవనం (నీరా ప్రాసెసింగ్ యూనిట్, బ్యాంక్వెట్ హాల్)& 7 వాణిజ్య దుకాణాలను లీజుకు ఇవ్వడానికి టెండర్లు ఆహ్వానించినట్లు BHPL జిల్లా BC అభివృద్ధి శాఖ అధికారి ఇందిరా తెలిపారు. ఇందిరా మాట్లాడుతూ.. జిల్లాలోని ఆసక్తి గల గౌడ వృత్తి సంఘాలు ఆన్లైన్ ద్వారా ఏప్రిల్ 1వ తేదీలోపు బిడ్ దాఖలు చేయాలన్నారు.
MBNR : బాలానగర్ మండలంలోని గౌతాపూర్ గ్రామ సమీపంలో నెల రోజుల క్రితం ఓ యువకుడు వేగంగా కారుతో వెళ్లి స్తంభాన్ని ఢీకొట్టాడు. ఆ సమయంలో స్తంభం సగం వరకు దెబ్బతిని విరిగిపోయింది. గత వారం రోజులుగా బాలానగర్ మండలంలో ఈదురుగాలు వీస్తున్నడంతో.. స్తంభం పూర్తిగా నేలకు ఒరిగింది. స్తంభం రోడ్డుపై పడితే ప్రమాదం జరిగే అవకాశం ఉందని వాహనదారులు అన్నారు.
MBNR: కౌకుంట్ల మండలం ఏర్పడి ఏళ్లు గడుస్తున్నా పోలీస్ స్టేషన్ ఏర్పాటు చేయకపోవడంపై స్థానికులు తీవ్ర అసంతృప్తి వ్యక్తం చేస్తున్నారు. చిన్నపాటి ఫిర్యాదుల కోసం కూడా దూరాభార ప్రయాణాలు చేయాల్సి వస్తోందని ఆవేదన చెందుతున్నారు. దొంగతనాలు, శాంతిభద్రతల సమస్యల దృష్ట్యా తక్షణమే మండల కేంద్రంలో శాశ్వత పోలీస్ స్టేషన్ను నిర్మించాలని ప్రజలు డిమాండ్ చేస్తున్నారు.
WGL: “ప్రజాపాలన-ప్రగతి ప్రణాళిక” 99 రోజుల కార్యక్రమంలో భాగంగా సాదాబైనామాలకు పట్టాలు వస్తాయని రైతులు ఎదురుచూస్తున్నారు. సాదాబైనామాల క్రమబద్ధీకరణకు ప్రభుత్వం అఫిడవిట్ నిబంధనను తొలగించడంతో దరఖాస్తుదారుల్లో ఆశలు చిగురిస్తున్నాయి. ఉమ్మడి జిల్లాల వ్యాప్తంగా 2,71,790 సాదాబైనామా దరఖాస్తులు పెండింగ్లో ఉన్నట్లు అధికారులు తెలిపారు.
NGKL: అరెస్టులతో గొంతు నొక్కాలని చూస్తే ఉద్యమం మరింత ఉధృతమవుతుందని సీఐటీయూ నేత పొదిల రామయ్య అనారు. ఆశా కార్యకర్తలు పిలుపునిచ్చిన చలో అసెంబ్లీ కార్యక్రమాన్ని అడ్డుకోవడమే లక్ష్యంగా నాగర్కర్నూల్ జిల్లా కేంద్రంలో శనివారం పోలీసులు ఆయనను ముందస్తుగా అరెస్టు చేశారు. జైలు గోడలు మా ఆకలి కేకలను ఆపలేవు అని పేర్కొన్నారు.
BDK: బంగాళాఖాతంలో ఏర్పడిన ఉపరితల ద్రోణి ప్రభావంతో రాష్ట్రవ్యాప్తంగా వర్షాలు కురుస్తాయని వాతావరణ శాఖ శనివారం వెల్లడించింది. నేటి నుంచి మార్చి 30 వరకు పలు జిల్లాల్లో ఉరుములు, మెరుపులతో కూడిన వర్షాలు కురిసే అవకాశం ఉందని అధికారులు చెబుతున్నారు. ఈ మేరకు పలు జిల్లాలకు ఎల్లో అలర్ట్ జారీ చేశారు. ప్రజలు అప్రమత్తంగా ఉండాలన్నారు.
మంచిర్యాల జిల్లా కేంద్రం గోపాల వాడలో ఇంటి తలుపు తీసే ప్రయత్నంలో ప్రమాదవశాత్తు అద్దం పగిలి ఓ వ్యక్తికి తీవ్ర గాయాలయ్యాయి. వివరాల్లోకి వెళితే.. ఇవాళ నాగరాజు తన ఇంటి డోర్ లాక్ కావడంతో తీసేందుకు ప్రయత్నించాడు. ఈ క్రమంలో తలుపుకున్న అద్దం పగిలి కుడి చేతికి లోతైన గాయమైనట్లు కుటుంబ సభ్యలు తెలిపారు. వెంటనే ఆయనను మంచిర్యాల ప్రభుత్వ ఆసుపత్రికి తరలించారు.
HYD: కల్తీ ఆహారం, నకిలీ ఉత్పత్తులపై ఫిర్యాదు చేయడానికి 8712661212 నంబర్ను ప్రజలకు అందుబాటులో ఉంచినట్లు హైదరాబాద్ పోలీసులు తెలిపారు. కల్తీకి పాల్పడే వ్యాపారులపై కఠిన చర్యలు తీసుకుంటామని, అవసరమైతే PD యాక్ట్ కింద కేసులు నమోదు చేసే అవకాశం ఉందని టాస్క్ ఫోర్స్ డీసీపీ వైభవ్ రఘు తెలిపారు. ప్రజలారా ప్లీజ్, కల్తీని ఆపేద్దాం, ఫిర్యాదు చేయాలని కోరారు.
KNR: శ్రీరామ నవమి పర్వదినం సందర్భంగా కొక్కెరకుంట, వన్నారం గ్రామాల్లో SRR ప్రభుత్వ కళాశాల NSS విద్యార్థులు సేవా కార్యక్రమాలు నిర్వహించారు. ఈ సందర్భంగా నగర మేయర్ కొలగాని శ్రీనివాస్ మాట్లాడుతూ.. సేవా కార్యక్రమాలు ఎంతో ప్రశంసనీయమని అన్నారు. సమాజానికి ఉపయోగపడే విధంగా విద్యార్థులు స్వచ్ఛందంగా ముందుకు వచ్చి సేవలు అందించడం గొప్ప విషయమని పేర్కొన్నారు.
