MLC Kavitha: In liquor scam case.. Kavitha's judicial remand extended
MLC Kavitha: ఢిల్లీ లిక్కర్ స్కాంలో అరెస్టు అయిన ఎమ్మెల్సీ కవిత ప్రస్తుతం తిహార్ జైల్లో ఉన్న సంగతి తెలిసిందే. అయితే ఆమెపై ఈడీ దాఖలు చేసిన ఛార్జ్‌షీట్‌ను పరిగణలోకి తీసుకోవడంపై ఈరోజ రౌస్ అవెన్యూ కోర్టు విచారణ చేపట్టింది. ఈనేపథ్యంలో కేసుకు సంబంధించి 8 వేల పేజీల సప్లిమెంటరీ ఛార్జ్‌షీట్‌ను ఈడీ అధికారులు కోర్టుకు సమర్పించారు. ఇరు పక్షాల వాదనలు విన్న కోర్టు కవిత జ్యుడిషియల్ రిమాండ్‌ను ఈ నెల 20 వరకు పొడిగిస్తున్నట్లు ఉత్తర్వులు జారీ చేసింది. కవిత ఛార్జ్‌షీట్ పరిగణలోకి తీసుకోవడంపై విచారణకు ఢిల్లీ రౌస్ అవెన్యూ కోర్టు మే 20కి వాయిదా వేసింది.
ఇది కూడా చూడండి: Fire Accident : ఇన్ కం ట్యాక్స్ ఆఫీసులో మంటలు.. రంగంలోకి 21 ఫైర్ ఇంజన్లు
ఢిల్లీ లిక్కర్ స్కాం కేసులో సీబీఐ, ఈడీ తనపై నమోదు చేసిన కేసుల్లో బెయిల్ మంజూరు చేయాలని కవిత దాఖలు చేశారు. కానీ ఆమెకు బెయిల్ ఇచ్చేందుకు నిరాకరించారు. ఈ కేసులో కవితదే కీలక పాత్ర అని.. ఆమెకు బెయిల్ ఇస్తే సాక్ష్యులను ప్రభావితం చేసి ఆధారాలను తారుమారు చేసే అవకాశం ఉందని ఈడీ అధికారులు కోర్టుకు తెలిపారు. అందుకే ఆమెపై ఛార్జిషీట్ కూడా దాఖలు చేశారు. ఈ ఛార్జిషీట్‌లో ఢిల్లీ లిక్కర్ స్కాంలో ప్రధాన సూత్రధారి, పాత్రధారి కవితే అని ఈడీ అధికారులు పేర్కొన్నారు. కవితతో పాటు మరోనలుగురిపై ఈడీ అధికారులు ఛార్జిషీట్లు దాఖలు చేశారు.
ఇది కూడా చూడండి: Summer: సమ్మర్ వేడికి ఆ ప్రదేశంలో దుర్వాసనా..? ఇలా చెక్ పెట్టండి!
