వన్డే ప్రపంచకప్కు టీమిండియా సిద్ధమైంది. అయితే ఆఖరి నిమిషంలో టీమిండియా ఆల్ రౌండర్ అక్షర్ పటేల్ గాయంతో జట్టు నుంచి వైదొలిగాడు. ఇటీవలె ఆసియా కప్‌లో బంగ్లాదేశ్‌తో మ్యాచ్ జరుగుతుండగా అక్షర్ పటేల్ గాయపడ్డాడు. దీంతో ఆసియా కప్ ఫైనల్‌కు కూడా ఆడలేకపోయాడు. వరల్డ్ కప్ నాటికి కోలుకుంటాడని అందరూ భావించారు. అయితే ఆ సూచనలు కనిపించకపోవడంతో చివరి నిమిషంలో టీమిండియాలో మార్పు చేశారు.
చదవండి: Pakistan Team: పాకిస్తానీ క్రికెటర్లకు అదిరిపోయే వంటకాలతో భారత్ ఆతిథ్యం.. జన్మలో మర్చిపోలేరు
టీమిండియా నుంచి అక్షర్ పటేల్‌ను తప్పించి, ఆ స్థానంలో సీనియర్ ఆఫ్ స్పిన్ ఆల్ రౌండర్ రవిచంద్రన్ అశ్విన్‌కు చోటిచ్చారు. వరల్డ్ కప్ కోసం ఎంపిక చేసిన వారిలో ఒక్క ఆఫ్ స్పిన్నర్ కూడా లేకపోవడంతో బీసీసీఐ, సెలెక్టర్లపై తీవ్ర విమర్శలు వచ్చాయి. జడేజా, కుల్దీప్ యాదవ్, అక్షర్ పటేల్ ఎడమచేతివాటం స్పిన్నర్లే కావడంతో అశ్విన్‌ను తీసుకున్నారు.
చదవండి: Asian Games 2023: మరో గోల్డ్ గెల్చుకున్న భారత్ షూటర్లు..పాయింట్ల పట్టికలో
వన్డే ప్రపంచకప్కు ఎంపికైన భారత జట్టు:
రోహిత్‌ శర్మ (కెప్టెన్‌), శుభ్‌మన్‌ గిల్‌, విరాట్‌ కోహ్లి, శ్రేయస్‌ అయ్యర్‌, సూర్యకుమార్‌ యాదవ్, హార్ధిక్‌ పాండ్య, రవీంద్ర జడేజా, రవిచంద్రన్ అశ్విన్‌, కేఎల్‌ రాహుల్‌, ఇషాన్‌ కిషన్‌, శార్దూల్‌ ఠాకూర్‌, జస్ప్రీత్‌ బుమ్రా, కుల్దీప్ యాదవ్, షమీ, సిరాజ్‌.
