మొహాలీలో (Mohali) భారీ వర్షం కురవడంతో పంజాబ్ కింగ్స్, కోల్ కతా నైట్ రైడర్స్ (Kolkata Knight Riders) మ్యాచ్ నిలిచిపోయింది. పంజాబ్ కింగ్స్‌కి మొదటి మ్యాచ్‌లో విజయం వరించింది. వర్షం ఎంతకీ తగ్గకపోవడంతో డక్ వర్త్ లూయిస్(Duckworth Lewis) విధానం ప్రకారం పంజాబ్ 7 పరుగుల తేడాతో గెలిచినట్టు ప్రకటించారు. అనంతరం, లక్ష్యఛేదనలో కోల్ కతా (Kolkata) 16 ఓవర్లలో 7 వికెట్లకు 146 పరుగులు చేసిన దశలో వర్షం కారణంగా అంతరాయం కలిగింది. వర్షం ఎంతకీ తగ్గకపోవడంతో డీఎల్ఎస్ పద్ధతిలో విజేతను తేల్చారు. పంజాబ్ బౌలర్లలో అర్షదీప్ సింగ్ (Arshadeep Singh) 3 వికెట్లతో చెలరేగిపోయాడు. నాథన్ ఎల్లిస్, సామ్ కరణ్, సికందర్ రాజా, రాహుల్ చాహర్ తలో వికెట్ తీశారు.
చదవండి : జైలు నుంచి నవజ్యోత్ సింగ్ సిద్ధూ రిలీజ్
అంతకుముందు టాస్ ఓడి ఫస్ట్ బ్యాటింగ్కు దిగిన పంజాబ్ కింగ్స్.. నిర్ణీత 20 ఓవర్లలో 5 వికెట్లు కోల్పోయి 191 పరుగులు చేసింది. భానుక రాజపక్స (Bhanuka Rajapaksa) (50; 32 బంతుల్లో 5×4, 2×6) హాఫ్ సెంచరీతో మెరిశాడు. ఓపెనర్ ప్రభ్ సిమ్రన్ సింగ్(Prabh Simran Singh) (23; 12 బంతుల్లో 2×4, 2×6), కెప్టెన్ శిఖర్ ధావన్(40; 29 బంతుల్లో 6×4), జితేశ్ శర్మ(21; 11 బంతుల్లో 1×4, 2×6), శామ్ కరన్(26*;17 బంతుల్లో 2×6) పరుగులతో రాణించారు. ఆఖర్లో క్రీజులోకి వచ్చిన షారుక్ ఖాన్ (11*) రెండు ఫోర్లు, సికందర్ రజా(16) ఒక ఫోర్, ఒక సిక్స్తో ఆకట్టుకున్నారు. మొత్తంగా పంజాబ్ (Punjab)జట్టు బ్యాటర్లతా దూకుడుగా భారీ షాట్లతో ఆకట్టుకున్నారు. కోల్కతా నైట్ రైడర్స్ బౌలర్లలో టిమ్ సౌథీ 2 వికెట్లు పడగొట్టగా.. ఉమేశ్ యాదవ్(Umesh Yadav), సునీల్ నరైన్, వరుణ్ చక్రవర్తి తలో వికెట్ పడగొట్టారు.
చదవండి : పొలిటికల్ ఎంట్రీపై విజయ్ సేతుపతి కీలక వ్యాఖ్యలు
