సినిమా, రాజకీయం పరంగా ఏ విషయమైనా హాట్ టాపిక్ అయ్యింది అంటే చాలు.. ఆ విషయం గురించి స్పందించే వారిలో కాంట్రవర్సీ డైరెక్టర్ ఆర్జీవీ అందరికంటే ముందుంటారు. ఆ విషయం తనకు సంబంధించిందా.. లేదా అని పట్టించుకోకుండా.. హాట్ టాపిక్ అయితే చాలు తల దూరచేస్తారు. తాజాగా.. బండి సంజయ్ కుమారుడు భగీరథ్ ఇష్యూలో కూడా వర్మ ట్వీట్ చేశాడు. బండి సంజయ్ కుమారుడు బండి భగీరథ్ ని ఇరాక్‌ నియంత సద్దాం హుస్సేన్ కొడుకుతో పోల్చుతూ ట్వీట్ చేశాడు. కాగా.. ఆ ట్వీట్ ప్రస్తుతం వైరల్ అవుతోంది.
I thought the days of Iraq dictator #Saddam ‘s like sons #UdayHussein were over and now he is reincarnated as @bandisanjay_bjp ‘s son #bhageerqth who as a son YUCKED his FATHER pic.twitter.com/Btzfc4i8ya
— Ram Gopal Varma (@RGVzoomin) January 17, 2023
‘‘ఇరాక్‌ను గడగడలాడించిన నియంత సద్దాం హుస్సేన్‌‌ను మించిన వ్యక్తి.. ఆయన కుమారుడు ఉదయ్ హుస్సేన్ నాటి రోజులు అంతరించిపోయాయని భ్రమపడ్డా. అతడు బండి సంజయ్ కొడుకు భగీరథ్ రూపంలో మళ్లీ పుట్టాడు. తండ్రిని మించిన తనయుడు అనిపించుకుంటున్నాడు’’ అంటూ తనదైన స్టైల్‌లో ఆర్జీవీ ట్వీట్ చేశాడు. అయితే… ఆర్జీవీ ట్వీట్ ని కొందరు సమర్థిస్తూ కామెంట్స్ చేస్తూ ఉండగా.. కొందరు మాత్రం ఆర్జీవీ ని విమర్శిస్తూ టార్గెట్ చేస్తున్నారు.
