Fake Baba: ఈ మధ్య నకిలీ బాబా(Fake Baba)ల వ్యాపారం మూడు పువ్వులు ఆరు కాయలుగా సాగుతోంది. జనం కూడా పిచ్చి పట్టినట్లు వాళ్లనే నమ్ముతున్నారు. లక్షలు కోట్లు సమర్పించుకుంటున్నారు. ఆ తర్వాత మోసపోయామని గ్రహించి లబోదిబోమంటున్నారు. అలాంటి ఘటనే కేరళలో చోటు చేసుకుంది. కేరళ(Kerala)కు చెందిన ఓ వ్యక్తి.. చెన్నై(Chennai)కి చెందిన తన మిత్రుడి(Friend)ని దారుణంగా నమ్మించి రూ.2కోట్లకు టోకరా పెట్టాడు. తనకు అతీత శక్తులు ఉన్నాయని, పుట్టపర్తి సాయిబాబా, మరణించినవారి ఆత్మలతో మాట్లాడతానని నమ్మించాడు. నిజమని నమ్మిన మిత్రుడు ఆయనకు నాలుగేళ్లుగా సుమారు రూ. 2 కోట్ల వరకు ముట్టజెప్పాడు.
చదవండి :Sudigali Sudheer: మరో సినిమాకు కొబ్బరికాయ కొట్టేసిన సుడిగాలి సుధీర్
కేరళకు చెందిన సుబ్రమణి(50), గౌతమ్ శివగామి(52) ఇద్దరికీ 2005లో నైజీరియా(Nigeria)లోని ఓ ప్రైవేటు కంపెనీలో పని చేస్తుండగా వారికి పరిచయం ఏర్పడింది. అప్పటి నుంచి స్నేహితులుగానే కొనసాగుతున్నారు. ఈ క్రమంలో వారి కుటుంబాల మధ్య కూడా సాన్నిహిత్యం ఏర్పడింది. గౌతమ్ శివగామి స్పిరిచువల్ పర్సన్ అని తెలుసుకున్న సుబ్రమణి ఆయన ముందు పలు క్రతువులు నిర్వహించాడు. అక్కడ మరణించిన వ్యక్తుల ఆత్మలతో మాట్లాడినట్టు నటించాడు. ఒక సందర్భంలో మరణించిన గౌతమ్ శివగామి తల్లితోనూ సుబ్రమణి మాట్లాడినట్టు చూపించాడు. సుబ్రమణి నిజంగానే తన తల్లి ఆత్మతో మాట్లాడుతున్నట్టు గౌతమ్ శివగామి భ్రమపడ్డాడు.
చదవండి :Revanth Reddy : ఆస్కార్ విన్నర్ కు రూ.10లక్షలు ప్రకటించిన రేవంత్ రెడ్డి
అంతటితో ఆగకుండా పుట్టపర్తి సాయిబాబ ఆత్మతోనూ మాట్లాడుతున్నట్టు గౌతమ్‌కు చూపించాడు. గౌతమ్ శివగామిని సుబ్రమణి లోబర్చుకున్నాడు. ఆయన ఏటీఎంలను కూడా సుబ్రమణి వాడుకునేవాడు. డబ్బు విత్‌డ్రా(Money Withdraw) చేసుకునేవాడు. జీవితంలో ఎన్నో ముఖ్యమైన నిర్ణయాలను సుబ్రమణి సూచనల మేరకు తీసుకున్నానని గౌతమ్ చెప్పాడు. వీటన్నింటికీ డబ్బులు చెల్లించుకున్నాడని వివరించాడు. నాలుగేళ్లలో పలు సందర్భాల్లో కలిపి ఆయన మొత్తం రూ. 2 కోట్ల వరకు చెల్లించుకున్నాడని తెలిపాడు. చివరకు సుబ్రమణి తనను మోసం చేస్తున్నాడని గ్రహించగలిగాడు. వెంటనే ఆయన బెంగళూరు పోలీసులకు ఫిర్యాదు చేశాడు. 2022లో కేసు ఫైల్ అయింది. సీసీబీకి చెందిన ఎంట్రస్ట్‌మెంట్ డాక్యుమెంట్ ఫ్రాడ్ వింగ్ దర్యాప్తు ప్రారంభించింది. పోలీసులు తిరువనంతపురంలో సుబ్రమణిని అరెస్ట్ చేశారు.
