Jammu Kashmir : జమ్మూకశ్మీర్‌లో శనివారం భద్రతా బలగాలు భారీ మొత్తంలో డ్రగ్స్‌, ఆయుధాలను స్వాధీనం చేసుకున్నాయి. డ్రగ్ (హెరాయిన్) విక్రయించేందుకు ఓ వ్యక్తి కొనుగోలుదారుడి కోసం వెతుకుతున్నట్లు పోలీసులకు సమాచారం అందింది. ఈ వార్త అందిన వెంటనే పోలీసులు గాలింపు చర్యలు చేపట్టారు. ఆ తర్వాత జమ్మూ కాశ్మీర్‌లోని కుప్వారా జిల్లాలో భద్రతా బలగాలు డ్రగ్-టెర్రరిస్ట్ మాడ్యూల్‌ను బహిర్గతం చేసి ముగ్గురిని అరెస్టు చేశారు.
చదవండి: CM Nitish Kumar : క్షీణించిన ఆరోగ్యం.. ఆస్పత్రిలో చేరిన సీఎం నితీష్ కుమార్
నిందితుల నుంచి ఆయుధాలను కూడా పోలీసులు స్వాధీనం చేసుకున్నారు. ఈ విషయం గురించి పోలీసు ప్రతినిధి మాట్లాడుతూ.. హెరాయిన్ విక్రయించడానికి ఒక వ్యక్తి కొనుగోలుదారుని వెతుకుతున్నట్లు తమకు సమాచారం అందిందని, ఆ తర్వాత పోలీసులు, సైన్యం ఉత్తర కాశ్మీర్‌లోని కర్నాలో ఆపరేషన్ ప్రారంభించాయి. ఇద్దరు వ్యక్తుల నుంచి 500 గ్రాములకు పైగా హెరాయిన్‌ను స్వాధీనం చేసుకుని నిందితులను అరెస్టు చేసినట్లు అధికార ప్రతినిధి తెలిపారు. ఒక నిందితుడు ఖవార్‌పరాబ్ కర్నా నివాసి అతని పేరు షఫీక్ అహ్మద్ షేక్, మరొక నిందితుడు బాగ్‌బల్లా నివాసి అతని పేరు తారిక్ అహ్మద్ మాలిక్ అని పోలీసు ప్రతినిధి తెలిపారు. వీరి ముఠాలో మరో వ్యక్తి కూడా ఉన్నాడని, ఇతను పర్వేజ్ అహ్మద్ పఠాన్‌గా గుర్తించి సద్‌పురా నివాసి అని విచారణలో తేలిందని పోలీసు ప్రతినిధి సమాచారం.
చదవండి: Raveena Tandon : రూ.100కోట్ల పరువు నష్టం దావా వేసిన రవీనా టాండన్
పోలీసులు ఏం రికవరీ చేశారు?
ఇప్పటికే ఇద్దరు నిందితులను అరెస్ట్ చేయగా.. ముఠాలోని మూడో వ్యక్తి గురించి సమాచారం అందుకున్న పోలీసులు, సైన్యం సంయుక్తంగా దాడులు నిర్వహించి మూడో నిందితుడు పర్వేజ్ అహ్మద్ పఠాన్‌ను అదుపులోకి తీసుకున్నారు. నిందితుడు పర్వేజ్ అహ్మద్ పఠాన్ నుంచి మూడు పిస్టల్స్, 76 కాట్రిడ్జ్‌లు, ఆరు మ్యాగజైన్‌లు, ఐదు కిలోల అనుమానిత పేలుడు పదార్థాలను పోలీసులు స్వాధీనం చేసుకున్నారు. ముగ్గురు నిందితులపై కేసు నమోదు చేసి దర్యాప్తు కొనసాగిస్తున్నట్లు అధికార ప్రతినిధి తెలిపారు.
