Ten people died in Road accident At Nashik-Shirdi highway
పాకిస్థాన్ లో బస్సు అదుపు తప్పి వంతెన మీద నుండి కింద పడడంతో 40 మందికి పైగా మృతి చెందిన విషాద ఘటన చోటు చేసుకున్నది. బెలూచిస్తాన్‌ లోని లస్బెలా ప్రాంతంలో బ్రిడ్జిపై యూటర్న్‌ తీసుకుంటుండగా బస్సు అదుపు తప్పింది. వంతెన మీద నుంచి కిందకు పడిపోవడంతో మంటలు చెలరేగాయి. ఈ ప్రమాదంలో 40 మందికి పైగా ప్రయాణికులు సజీవ దహనమయ్యారు. బస్సు క్వెట్టా నుంది కరాచీ వెళ్తుండగా ప్రమాదానికి గురయింది. ప్రమాదం జరిగిన సమయంలో బస్సులో 48 మంది ప్రయాణికులు ఉన్నారు. ఈ ప్రమాదం నుంచి ఆరుగురు మాత్రమే గాయాలతో బయటపడ్డారు. మృతదేహాలు గుర్తించలేని విధంగా ఉన్నాయని అధికారులు చెప్పారు.
