ఆహా ఓటీటీ ప్లాట్ ఫామ్‌లో ఇంకాసేపట్లో పవన్ కళ్యాణ్ అన్‌స్టాపబుల్ 2 ఫైనల్ ఎపిసోడ్ రిలీజ్ కానుంది. ఫిబ్రవరి 2, 2023 రాత్రి 9 గంటలకు బాలకృష్ణ, పవన్ కళ్యాణ్ ఫైనల్ ఎపిసోడ్ వన్ రిలీజ్ చేస్తామని ఆహా టీమ్ నిన్న ప్రకటించిన విషయం తెలిసిందే. అయితే.. ఆహాలో ఇప్పటికే విడుదలైన ప్రభాస్ ఎపిసోడ్ సూపర్ సక్సెస్ అయింది. ఆ ఎపిసోడ్ విడుదల కాగానే ఆహా సర్వర్స్ క్రాష్ అయ్యాయి. దానికి కారణం.. ఒకేసారి ఊహకందని ట్రాఫిక్ వెబ్ సైట్‌కు రావడంతో కొంత సమయం వరకు ఆహా వెబ్ సైట్ ఓపెన్ కాలేదు.
కానీ.. ఈసారి అలాంటి సమస్య రాకుండా సర్వర్లను అప్ గ్రేడ్ చేసి మరీ పవన్ కళ్యాణ్ ఎపిసోడ్ ను విడుదల చేస్తోంది ఆహా టీమ్. ఇంకాసేపట్లో విడుదల కానున్న ఈ ఎపిసోడ్ కోసం పవన్ కళ్యాణ్ అభిమానులు తెగ ఎదురు చూస్తున్నారు. చూద్దాం మరి.. పవన్ కళ్యాణ్ ఎపిసోడ్ ఎన్ని సంచలనాలను సృష్టిస్తుందో.
