ప్రభాస్ నటిస్తున్న సినిమాల్లో సలార్ కోసం ఈగర్‌గా వెయిట్ చేస్తున్నారు అభిమానులు. ప్రశాంత్ నీల్ తమ హీరోని ఎలా చూపించబోతున్నాడనే ఎగ్జైట్మెంట్ ప్రభాస్ ఫ్యాన్స్‌ను.. ఎప్పటికప్పుడు సోషల్ మీడియాలో ట్రెండ్ చేసేలా చేస్తోంది. అందుకే ఇప్పుడు సలార్ టీజర్ టైం ఫిక్స్ అయిందని ఓ న్యూస్‌ని వైరల్ చేస్తున్నారు. వాస్తవానికి చాలా రోజులుగా సలార్ టీజర్ ఇదిగో, అదిగో అంటు ఊరిస్తు వస్తోంది. కానీ ఇప్పటి వరకు ప్రశాంత్ నీల్ దీనిపై క్లారిటీ ఇవ్వడం లేదు. ప్రభాస్ కూడా దీనికి ఓ కండీషన్ పెట్టాడనే టాక్ ఉంది. ఆదిపురుష్ సినిమా రిలీజ్ అయ్యే వరకు.. మిగతా సినిమాల అప్డేట్స్ తగ్గించాలని ప్రభాస్ భావిస్తున్నాడట. దాంతో ఇప్పట్లో సలార్ టీజర్ కష్టమేనని అంటున్నారు. అందుకే ఆదిపురుష్ రిలీజ్ తర్వాతే సలార్ టీజర్ రానుందని అంటున్నారు. లేటెస్ట్ టాక్ ప్రకారం.. ఇప్పటికే సలార్ టీజర్‌ను కట్ చేసి పెట్టారట. వీలైతే సమ్మర్‌లో రిలీజ్ ఉంటుందని అంటున్నారు. కానీ అది జరగని పని అని కొందరంటున్నారు. ఆదిపురుష్ సినిమా రిలీజ్ అయిన తర్వాత.. అంటే జూన్ చివర్లో సలార్ టీజర్ రానుందని.. ఇప్పుడు ట్రెండ్ చేస్తున్నారు. అప్పటి నుంచే సలార్ నుంచి వరుస అప్డేట్స్ ఇచ్చేందుకు ప్లాన్ చేస్తున్నారట. ఎందుకంటే.. సెప్టెంబర్ 28వ సలార్ రిలీజ్‌కు ప్లాన్ చేస్తున్నారు. కాబట్టి.. జూన్, జూలైలో సలార్ సందడి స్టార్ట్ అవడం పక్కా అని చెప్పొచ్చు. మరి భారీ అంచనాలున్న సలార్ ఎలాంటి వండర్స్ క్రియేట్ చేస్తుందో చూడాలి.
