మహానటి తర్వాత టాలెంటెడ్ యంగ్ డైరెక్టర్ నాగ్ అశ్విన్ చేస్తున్న సినిమా ‘ప్రాజెక్ట్ కె(Project K movie)’. ఈ సినిమా పాన్ వరల్డ్ రేంజ్‌తో తెరకెక్కుతోంది. వైజయంతీ మూవీస్ వారు దాదాపు 500 కోట్ల బడ్జెట్‌తో ఈ సినిమాను సైన్స్ ఫిక్షనల్ డ్రామాగా భారీగా రూపొందిస్తున్నారు. దీపిక పదుకోణే, దిశా పటాని, అమితాబ్ బచ్చన్ లాంటి వారు కీ రోల్ ప్లే చేస్తున్నారు. దాదాపుగా షూటింగ్ పార్ట్ కంప్లీట్ చేసుకోవడానికి రెడీ అయిన ఈ మూవీని.. సంక్రాంతి కానుకగా 2024 జనవరి 12న వరల్డ్ వైడ్‌గా గ్రాండ్‌గా రిలీజ్ చేయబోతున్నారు.
ఈ సినిమాను అడ్వాన్స్డ్ టెక్నాలజితో ఊహించని కంటెంట్‌తో తెరకెక్కిస్తున్నాడు నాగ్ అశ్విన్. అద్భుతమైన విజువల్ వండర్‌గా ఈ సినిమా రాబోతోంది. ఈ సినిమా కోసం ప్రతిదీ స్క్రాచ్ నుంచి కొత్తగా తయారు చేయిస్తున్నాడు నాగ్ అశ్విన్. ఇప్పటికే ‘టైర్’, ‘రైడర్స్’కి సంబంధించిన వీడియోని రిలీజ్ చేసి భారీ హైప్ క్రియేట్ చేశాడు. మొత్తంగా ఈ సినిమా పై ఎక్కడా లేని అంచనాలున్నాయి.
ఇక ఇప్పుడు దగ్గుబాటి రానా ఆ హైప్‌ని పీక్స్‌కు తీసుకెళ్లాడు. ఇండియా టుడే కాన్‌క్లేవ్‌లో జరిగిన సమావేశంలో రానా దగ్గుబాటి(Rana Daggubati) చేసిన కామెంట్స్ ఇప్పుడు వైరల్‌గా మారాయి. ‘ప్రస్తుతం ప్రభాస్ నాగశ్విన్ అనే యంగ్ డైరెక్టర్‌తో ‘ప్రాజెక్ట్ కె’ అనే సినిమా చేస్తున్నాడు. ఖచ్చితంగా ఈ సినిమా గ్లోబల్ లెవెల్లో.. బాహుబలి, RRR చిత్రాలు టచ్ చేయని బౌండరీస్‌ని బ్రేక్ చేస్తుంది.. మేము ఆ ప్రాజెక్ట్ కోసమే ఎదురు చూస్తున్నాము’ అని చెప్పుకొచ్చాడు. దీంతో ఇప్పుడు రానా స్టేట్మెంట్ వైరల్‌గా మారింది. అందుకు తగ్గట్టే.. రీసెంట్‌గా ఈ సినిమాలో లోకనాయకుడు కమల్ హాసన్ విలన్‌గా నటిస్తున్నాడనే వార్తలొస్తున్నాయి. మరి ప్రాజెక్ట్ కె RRR, బాహుబలి మించి రికార్డ్ క్రియేట్ చేస్తుందేమో చూడాలి.
