Prabhas: పాన్ ఇండియా స్టార్ ప్రభాస్ నుంచి వస్తున్న మోస్ట్ అవైటేడ్ ప్రాజెక్ట్ ‘కల్కి’ రిలీజ్ విషయంలో ఎలాంటి డౌట్స్‌ అక్కర్లేదు. ఎందుకంటే.. ప్రస్తుతం కల్కి షూటింగ్ చివరి దశలో ఉంది. సినిమా రిలీజ్‌కు మరో రెండున్నర నెలలకు పైగా సమయం ఉంది. కానీ అప్పుడే కల్కి షూటింగ్ చివరి దశకు వచ్చేసింది. ప్రస్తుతం లాస్ట్ షెడ్యూల్ షూటింగ్ చేస్తున్నట్టుగా తెలుస్తోంది. ఈ షెడ్యూల్‌లో చిన్న చిన్న ప్యాచ్ వర్క్‌తో పాటు బ్యాలెన్స్ షూటింగ్ కంప్లీట్ చేస్తున్నట్టుగా తెలుస్తోంది. ప్రభాస్, దిశా పటానీ పై సాంగ్‌తో పాటు కీలక సీన్స్ షూట్ చేస్తున్నారట.
ఇది కూడా చూడండి: Keerthi Suresh: ఆ హీరోతో కీర్తి సురేష్ లిప్ లాక్.. కానీ రిజెక్ట్?
ఈ షెడ్యూల్‌తో కల్కి షూటింగ్ కంప్లీట్ అయిపోతుందని తెలుస్తోంది. ఆ తర్వాత వరల్డ్ వైడ్‌గా ప్రమోషన్స్ స్టార్ట్ చేయడానికి రెడీ అవుతున్నారు మేకర్స్. కుదిరితే రిలీజ్‌కు రెండు నెలల ముందే అగ్రెసివ్ ప్రమోషన్స్‌కు ప్లాన్ చేస్తున్నారని టాక్. కాబట్టి.. కల్కి వాయిదా అనే వార్తల్లో ఎలాంటి నిజం లేదు. ఇకపోతే.. ఇప్పటికే రిలీజ్ అయిన కల్కి గ్లింప్స్ సినిమా పై భారీగా అంచనాలను పెంచేసింది. బిజినెస్ కూడా భారీగా జరుగుతున్నట్టుగా సమాచారం. 500 కోట్లకు పైగా భారీ బడ్జెట్‌తో తెరకెక్కుతున్న కల్కి 2898ఏడి మూవీకి.. కేవలం థియేట్రికల్ బిజినెస్ 500 కోట్లకు పైగా అయ్యే ఛాన్స్ ఉందని అంటున్నారు.
ఇది కూడా చూడండి: Chiranjeevi Wife: బర్త్ డే రోజు ఫుడ్ బిజినెస్‌లోకి అడుగుపెట్టిన చిరంజీవి భార్య సురేఖ
మహానటి తర్వాత నాగ్ అశ్విన్ ఈ సినిమాను ఎంతో ప్రతిష్టాత్మంగా తెరకెక్కిస్తున్నాడు. దీపిక పదుకొనే హీరోయిన్‌గా నటిస్తుండగా.. దిశా పటానీ, అమితాబ్ బచ్చన్ కీలక పాత్రల్లో నటిస్తున్నారు. కమల్ హాసన్ విలన్‌గా నటిస్తున్న ఈ చిత్రానికి సంతోష్ నారాయణన్ సంగీతం అందిస్తుండగా వైజయంతి మూవీస్ వారు నిర్మాణం వహిస్తున్నారు.
