mangalavaram movie trailer date fix on october 17th 2023
ఆర్ఎక్స్ 100 డైరెక్టర్ అజయ్ భూపతి(Ajay Bhupathi) లేటెస్ట్ ఫిల్మ్ ‘మంగళ వారం’ టైటిల్‌ అనౌన్స్మెంట్ నుంచే మంచి హైప్ క్రియేట్ చేసింది. టీజర్ కూడా అదిరిపోవడంతో.. అంచనాలు మరింతగా పెరిగాయి. అసలు మంగళవారం ఏం జరిగిందన్న క్యూరియాసిటీ అందరిలోనూ క్రియేట్ అయింది. నవంబర్‌ 17న ఈ సినిమా రిలీజ్ కాబోతుంది. ఇప్పటికే బ్యాక్ టు బ్యాక్ అప్డేట్స్ ఇస్తున్నారు మేకర్స్. తాజాగా ఈ సినిమా ట్రైలర్ అప్డేట్‌ ఇచ్చారు. మంగళవారం ట్రైలర్‌ను అక్టోబర్‌ 21న రిలీజ్ చేయబోతున్నట్లు మేకర్స్ తెలిపారు. ఈ సందర్బంగా ఓ స్పెషల్ పోస్టర్‌ను రిలీజ్ చేశారు. అందులో ఓ చెట్టుకు ఇద్దరు వ్యక్తులు ఉరేసుకున్నట్లు చూపించారు. దీంతో మంగళ వారం ట్రైలర్ ఎలా ఉంటుందనేది మరింత ఆసక్తికరంగా మారింది.
ఇక ఆర్ ఎక్స్ 100 తర్వాత పాయల్ రాజ్‌పుత్(Payal Rajput), అజయ్ భూపతి కాంబినేషన్లో వస్తున్న సినిమా ఇదే. ఆర్ ఎక్స్ 100 తర్వాత ఇద్దరికీ సరైన హిట్ పడలేదు. అందుకే ఇద్దరి ఆశలన్నీ మంగళవారం పైనే ఉన్నాయి. పాయల్ కూడా ఈ సినిమాలో చాలా బోల్డ్‌గా కనిపిస్తోంది. ఇప్పటి వరకు రిలీజ్ అయిన ప్రమోషనల్ కంటెంట్‌లో గ్లామర్ డోస్ గట్టిగా ఇచ్చింది పాయల్. రీసెంట్‌గా రిలీజ్ అయిన ‘ఏమైందో ఏమిటో’ అంటూ సాగే పాటలో.. నటుడు అజ్మల్‌తో రెచ్చిపోయింది పాయల్. ఇక ఈ సినిమాలో నందిత శ్వేత, రంగం ఫేమ్ అజ్మల్‌ కీలకపాత్రల్లో నటిస్తుండగా… ముద్ర మీడియా వర్క్స్, ఏ క్రియేటీవ్ వర్క్స్ సంయుక్తంగా నిర్మిస్తున్నాయి.
ఇది కూడా చూడండి: Alia Bhatt: అవార్డుల కార్యక్రమానికి పెళ్లి చీరలో అలియా భట్..నెటిజన్ల కామెంట్స్
