మహేష్ బాబు ఫారిన్ టూర్‌ల గురించి ప్రత్యేకంగా చెప్పనక్కర్లేదు. ఎంత బిజీగా ఉన్నా.. గ్యాప్ దొరికితే చాలు వెంటనే ఫారిన్‌లో వాలిపోతాడు. ఒక్కోసారి ఒక్కో దేశాన్ని చుట్టి వస్తుంటాడు. మామూలుగా అయితే.. తన సినిమా రిలీజ్ అయిన తర్వాత.. కొన్ని వారాల పాటు ఫారిన్ టూర్‌లో ఉంటాడు మహేష్. కానీ ఈసారి మాత్రం షూటింగ్ గ్యాప్‌లో ఫారిన్‌కు చెక్కేసాడు. అయితే దానికో బలమైన కారణం కూడా ఉంది. ప్రస్తుతం ఎస్ఎస్ఎంబీ 28 మూవీతో బిజీగా ఉన్నాడు మహేష్ బాబు. ఇటీవలె ఓ షెడ్యూల్ ఫినిష్ చేశాడు త్రివిక్రమ్. పూజా హెగ్డే, శ్రీలీల హీరోయిన్లుగా నటిస్తు ఈ సినిమా నెక్స్ట్ షెడ్యూల్‌ను.. ఈ నెల 20 నుంచి స్టార్ట్ చేయబోతున్నట్టు తెలుస్తోంది. దాంతో మహేష్‌కు కాస్త గ్యాప్ దొరికినట్టైంది. అందుకే వెంటనే ఫ్యామిలీతో కలిసి స్పెయిన్‌కు వెళ్లిపోయినట్టు సమాచారం. ఫిబ్రవరి 10న మహేష్ బాబు, నమ్రతల పెళ్లి రోజు ఉంది. అందుకే భార్య నమ్రతతో పాటు పిల్లలు గౌతమ్, సితారను తీసుకొని స్పెయిన్ వెళ్లినట్టు తెలుస్తోంది. అక్కడే తన మ్యారేజ్ డేను సెలబ్రేట్ చేసుకోబోతున్నాడట మహేష్. మూడు నాలుగు రోజుల తర్వాత హైదారాబాద్‌కు తిరిగి రానున్నాడట. ఆ తర్వాత ఎస్ఎస్ఎంబీ 28 షూటింగ్‌లో జాయిన్ అవనున్నాడు. ఇక.. మహేష్, నమ్రత ‘వంశీ’ చిత్రంలో కలిసి నటించారు. ఆ సమయంలోనే ఇద్దరు ప్రేమలో పడ్డారు.. ఆ తర్వాత 2005లో పెళ్లి చేసుకున్నారు. అప్పటి నుంచి సినిమాలకు గుడ్ బై చెప్పేసింది నమ్రత. ఇకపోతే.. త్రివిక్రమ్ సినిమా తర్వాత రాజమౌళితో చేతులు కలపనున్నాడు మహేష్. ఈ ఇయర్‌లోనే ఎస్ఎస్ఎంబీ 29 సెట్స్ పైకి వెళ్లే ఛాన్స్ ఉంది. 2025లో ఈ సినిమా రిలీజ్ కానుందని అంటున్నారు. మరి మహేష్ ఈ సినిమాలతో ఎలాంటి రికార్డ్స్ క్రియేట్ చేస్తాడో చూడాలి.
