twitter x services issue december 21st 2023
ప్రస్తుతం ఎక్స్(ట్విట్టర్) సేవలకు గురువారం అంతరాయం ఏర్పడింది. ఉదయం వినియోగదారుల టైమ్‌లైన్‌లో ట్వీట్లు ఆకస్మాత్తుగా చూపించడం నిలిపివేసింది. ఇవి వెబ్‌సైట్, యాప్‌లలో కూడా అలాగే చూపించాయి. ఆ క్రమంలో వారి X ఖాతాలు యాక్సెస్ చేయగలిగినప్పటికీ, వారి టైమ్‌లైన్‌లు మాత్రం ఖాళీగా కనిపిస్తున్నాయి. అంతేకాదు ఎక్స్ ప్రీమియం, ఎక్స్ ప్రొ వర్షన్లు కూడా పనిచేయడం లేదని అంటున్నారు. ఆ నేపథ్యంలో వినియోగదారులకు ట్వీట్లు కనిపించడం లేదు. దీంతో అనేక మంది X వినియోగదారులు ఈ అంశంపై ఫిర్యాదు చేస్తున్నారు.
అయితే ఈ సమస్య ప్రపంచవ్యాప్తంగా ఉందని తెలుస్తోంది. భారతీయ వినియోగదారులతోపాటు అనేక చోట్ల ఈ సమస్య తలెత్తినట్లు వెలుగులోకి వచ్చింది. ఈ క్రమంలో అనేక మంది #TwitterDown ట్రెండ్‌ చేస్తున్నారు. అయితే దీనిపై ఎక్స్ సంస్థ నుంచి ఎటువంటి స్పందన రాలేదు. మరి ఈ సమస్య ఎంత సమయం ఉంటుంది? ఎలా పరిష్కరిస్తారనే వరకు వేచి చూడాల్సిందే.
ఇది కూడా చూడండి: Telanganaలో దారుణంగా విద్యుత్ రంగం..రూ.81 వేల కోట్ల అప్పులు, రూ.50 వేల కోట్లకుపైగా నష్టాలు
