This year's Nobel Prize in Physics goes to Ri Agostini, Ferenc Crouse and L'Huillier.
Nobel Prize: సైన్స్ విభాగంలో అత్యంత ప్రతిష్టాత్మకమైన పురస్కారం అయిన నోబెల్ పురస్కారాల (Nobel Prize) ప్రకటన ఈ ఏడాది ప్రారంభం అయింది. అందులో భాగంగా భౌతిక శాస్త్రం (Physics)లో ఈ అవార్డును రాయల్‌ స్వీడిష్‌ అకాడమీ ఆఫ్‌ సైన్సెస్‌ ప్రకటించింది. ఈ ఏడాది భౌతిక శాస్త్రంలో నోబెల్ బహుమతి ముగ్గురికి లభించింది. అమెరికాకు చెందిన పెర్రీ అగోస్తిని(Perry Agostini), జర్మనీకి చెందిన ఫెరెన్స్‌ క్రౌజ్‌(Ferenc Crouse), స్వీడన్‌కు చెందిన అన్నె ఎల్‌ హ్యులియర్‌(Anne L. Huillier)కు ఈ ఏడాది నోబెల్ ప్రకటించారు.
చదవండి:Nobel Prize 2023: మెడిసిన్‌లో నోబెల్ బహుమతి అందుకున్న కాటలిన్ కారికో, డ్రూ వీస్‌మాన్
అణువుల్లో (Atoms) ఎలక్ట్రాన్‌ డైనమిక్స్‌ను అధ్యయనం చేసేందుకు.. కాంతి తరంగాల ఆటోసెకండ్‌ పల్స్‌ను ఉత్పత్తి చేసే పరిశోధనలకు గానూ వీరికి ఈ పురస్కారాన్ని ఇస్తున్నట్లు రాయల్‌ స్వీడిష్‌ అకాడమీ పేర్కొంది. వీరి పరిశోధనలతో అణువులు, పరామణువుల్లోని ఎలక్ట్రాన్స్‌ (Electrons)ను అధ్యయనం చేసేందుకు మానవాళికి కొత్త సాధనాలు అందాయని తెలిపింది. సోమవారం మొదలైన ఈ ప్రకటలో నిన్న మెడికల్ విభాగంలో ఇద్దరికి నోబెల్ ప్రకటించారు. కొవిడ్‌ మహమ్మారిపై పోరు కోసం సమర్థ ఎంఆర్‌ఎన్‌ఏ టీకాల అభివృద్ధికి మార్గం సుగమం చేసిన శాస్త్రవేత్తలు కాటలిన్ కరికో, డ్రూ వెయిస్‌మన్‌లను ఈ అవార్డు వరించింది. అలాగే బుధవారం రసాయనశాస్త్రం, గురువారం రోజున సాహిత్యం విభాగాల్లో గ్రహీతల పేర్లను ప్రకటిస్తారు. శుక్రవారం రోజున 2023 నోబెల్ శాంతి బహుమతి, అక్టోబర్‌ 9న అర్థశాస్త్రంలో నోబెల్ పురస్కార గ్రహీతల పేర్లను వెల్లడిస్తారు. ఈ పురస్కారాలను ఈ ఏడాది డిసెంబరు 10న గ్రహీతలకు అందజేయనున్నారు.
https://x.com/NobelPrize/status/1709143709470572915?s=20
